මීළඟ ඇස්ට්‍රාසෙනෙකා එන්නත් තොගය ලබන මැයි මස දෙවන සතියට පෙර මෙරටට ලැබෙනු ඇති බව රාජ්‍ය අමාත්‍ය සුදර්ශනි ප්‍රනාන්දුපුල්ලේ මහත්මිය ප්‍රකාශ කර සිටී .
දැනටමත් ඇස්ට්‍රාසෙනෙකා එන්නත තොග රජය විසින් ඇනවුම් කර අවසන් බවත් ඒවා අප්‍රේල් මස අග, හෝ මැයි මුල් සතිය වන විට ලැබෙනු ඇති බවත් ඇය මාධ්‍ය වෙත අද පැවසීය .
එසේම රුසියානු ස්පුට්නික් එන්නතත්ද රජය ඇනවුම් කර ඇති බැවින් රට තුල කොවිඩ් එන්නත් හිඟයක් ඇති නොවන බවද ඇය මෙහිදී පැවසීය ”
ඉන්දියාවේ කොරෝනා රෝගීන් වැඩි වීමත් ඉදිරියටත් එරටින් එන්නත් තොග පැමිණීමේ යම් ප්‍රමාදයන් ඇතිවිය හැකි බවත් ඒ අනුව රජය විකල්ප එන්නත් ගැන සොයා බලා ඇති බවත් ඇය පැවසුවාය
