රමේෂ් වරල්ලෙගම
හදිසි නීති බලතල යටතේ ජනාධිපති මෛත්‍රිපල සිරිසේන මහතා විසින් බුරුකා ඇතුළු පුද්ගලයන් අදුනාගැනීමට අපහසු ශරීරය සම්පුර්ණයෙන් ආවරණයවන ඇදුම් භාවිතා කිරීම හෙට සිට තහනම් කර තිබේ.
ජනාධිපති මධ්‍ය අංශය මේ සම්බන්ධ නිල නිවේදනය නිකුත් කර ඇත.
ඒ අනුව ආරක්ෂක අංශ අපහසුතාවයට ලක්කර ආකාරයෙන් සම්පුර්ණයෙන්ම ශරීරය ආවරණයවන ඇදුම් පැළදීම හෙට සිට තහනම් වේ.
අදාල නිවේදනයට අනුව පුද්ගලයකු පැහැදිලිව හදුනාගැනීමට අවශ්‍යය වන මුහුණ නිරාවරණයවන ඇදුම් පැලදුම් ජනතාව භාවිතා කළ යුතුය.
බුර්කාව තහනම් කළ යුතුයැයි අමාත්‍ය මණ්ඩලයට යෝජනාවක් පැමිණ තිබු අතර ඊට සියලුම ඇමැතිවරුන්ගේ සහය ලැබී නොතිබිණි.
නමුත් තමන්ද එම යෝජනාවට විරෝධය නොදැක්වු බව අගමැති රනිල් වික්‍රමසිංහ මහතා අද නිවේදනයක් නිකුත් කර තිබිණි.
මුස්ලිම් විද්වත් සභාවන්ද බුර්කාව වෙනුවට සමාන්‍ය මුස්ලිම් ආගමික පිළිගැනීමට අයත් ඇදුම් පැළදුම් භාවිතා කරන්නැයි මීට පෙර ප්‍රසිද්ධියේ ඉල්ලා සිටියේය.
