ඔක්තෝබර් 5 වැනිදා සිට ආරම්භ වූ මෙරට කොරෝනා දෙවැනි රැල්ල පසුගිය 14 වැනිදා එහි උපරිම අගයට ළඟා වීමෙන් පසුව මේ වන විට තරමක් දුරට පාලනය වෙමින් පවතින බව සෞඛ්‍ය අමාත්‍යංශයේ වසංගත රෝග විද්‍යා අංශයේ නිල වෙබ් අඩවිය පෙන්වාදේ .
එම වෙබ් අඩවයේ මේ වන විට පෙන්නුම් කරනු ලබන දත්ත අනුව වසංගතය ශ්‍රී ලංකාව තුළ ක්‍රියාත්මක වීමේ බරපතළම අවධිය වී ඇත්තේ දෙසැම්බර් මස දෙවැනි සතිය තුල වන අතර මේ වනවිට එහි යම් පාලනයක් දක්නට ඇත ..
ඉහත දක්වෙන ප්‍රස්තාරයට අනුව ප්‍රතිකාර ලබමින් සිටින රෝගීන් සංඛ්‍යාව මේ වනවිට ක්‍රම ක්‍රමයෙන් අඩුවෙමින් පවතින බවක් දක්නට ඇත .
එසේම ඉහත දැක්වෙන ප්‍රස්තාරයට අනුව දිනපතා හමුවන රෝගීන් සංඛ්යාවේද අඩුවක් මේ වනවිට පෙන්නුම් කරයි .
දෙසැම්බර් 14 වැනිදා 9017 ක් වූ ප්‍රතිකාර ලබමින් සිටි රෝගීන් සංඛ්‍යාව අද (29 වැනිදා) 7484 ක් දක්වා පහළ බැස තිබේ.
මාර්තු මාසයේ සිට මේ දක්වා වයිරසය අසාදනය වූ පිරිස අතුරින් අද (29 වැනිදා) වන විට සුවය ලැබූ පිරිස ප්‍රතිශතයක් වශයෙන් 81.5 % කි. ප්‍රතිකාර ලබමින් සිටින පිරිස ප්‍රතිශතයක් වශයෙන් 18 % කි. මරණ 194 ක් වාර්තා වන නමුත් එය ප්‍රතිශතයක් වශයෙන් 0.5 % ක් හෙවත් වයිරසය ආසාදිත වූවන්ගෙන් 1000 කට 5 දෙනෙකි.
