මෙරට පළමු නියෝජ්‍ය පොලිස්පතිනිය ලෙස බිම්සානි ජාසිංහ ආරච්චි මහත්මිය අද වැඩ භාර ගනිද්දී ජ්‍යෙෂ්ඨ පොලිස් අධිකාරීවරුන් දාහතර දෙනෙක් විසින් මෙම උසස්වීම නීතිවිරෝධී බව දන්වමින් ඒ අනුව එක් අයෙකුට රු මිලියන 5 බැගින් ගෙවන ලෙස ඉල්ලා නීතීඥයකු මගින් වැඩ බලන පොලිස්පතිවරයාට එන්තරවාසියක් යවා තිබේ.
වැඩ බලන පොලිස්පති සීඩී වික්‍රමරත්න මහතා විසින් ඒ පිළිබඳ ජාතික පොලිස් කොමිසමට පැමිණිලි කර ඇත.
මේ අනුව කොමිසම විසින් මේ පිළිබඳ පරීක්ෂණයක් ආරම්භ කර ඇත.
එහි මූලික පියවරක් ලෙස හිටපු පොලිස් මාධ්‍ය ප්‍රකාශක වන ජේෂ්ඨ පොලිස් අධිකාරි අධිකාරී රුවන් ගුණසේකර, ජේෂ්ඨ පොලිස් අධිකාරි ජාලිය සේනාරත්න ඇතුළු කීප දෙනෙකුගෙන් ඔවුන් විසින් ඉදිරිපත් කළ එන්තරවාසිය සම්බන්ධයෙන් පොලිස් කොමිසමට කැඳවා ප්‍රකාශ සටහන් කරගෙන ඇත.
