එක්සත් අරාබි එමීර් රාජ්‍යයේ සංචාරකයන් අත්‍යාවශ්‍ය කරුණක් හැරෙන්නට ශ්‍රී ලංකාවේ සංචාරය නොකරන ලෙස කොළඹ පිහිටි එරට තානාපති කාර්යාලය අනතුරු ඇගවීමක් නිකුත් කර තිබේ.
කොළඹ පිහිටි එක්සත් අරාබි එමීරයේ තානාපති කාර්යාලයේ නිල සමාජ ජාල ගිණුම් මගින් ද ප්‍රකාශ කර තිබුණි.
මෙලෙස සංචාරක අනතුරු ඇගවීම එමගින් නිකුත් කර ඇත්තේ ඉදිරියේදී මෙරට පැවැත්වීමට නියමිත ජනාධිපතිවරණය ඉතා ආසන්නව තිබියදීයි.
මේ වසරේ අප්‍රේල් 21 වැනිදා සිදුවූ බෝම්බ ප්‍රහාර මාලාවෙන් පසුව මෙවැනි මැතිවරණයක් පවත්වන විට ආරක්ෂක ගැටලුවලට වැඩි බලපෑමක් ඇතිවිය හැකි බැවින් මෙලෙස සංචාරක අනතුරු ඇගවීමක් නිකුත් කර ඇත.
මෙරටට පැමිණෙන සෑම එක්සත් අරාබියේ පුරවැසියකුම වෙනම ලියාපදිංචි විය යුතු බවත් කිසියම් ගැටලුවක් වෙතොත් 0094112301601 දුරකතන අංකයට අමතන ලෙස ස තානාපති කාර්යාලය දැනුම් දෙයි.
එම ප්‍රහාර එල්ල කළ දා සිටම එක්සත් අරාබි එමීරය මෙරට සංචාරය පිළිබද දිගින් දිගටම අනතුරු ඇගවීමට කටයුතු කර ඇත.
