දම්පත් රණසිංහ
කොවිඩ්- 19 වෛරස අවධානම හේතුවෙන් මෝටර් රථ ප්‍රවාහන දෙපාර්තමේන්තුවේ නාරාහේන්පිට සහ වේරහැර කාර්යාල වසා දැමීමට තීරණය වී තිබේ.
එම කාර්යාලවල සේවකයින් කිහිප දෙනෙකු කොවිඩ් ආසාදිතයන් බවට තහවුරු වීම හේතුවෙන් ආරක්ෂක පියවරක් ලෙස ලබන සඳුදා (16) සිට එම කාර්යාල තාවකාලිකව වැසෙන බව ප්‍රවාහන රාජ්‍ය අමාත්‍ය දිලුම් අමුණුගම මහතා සදහන් කරයි.
මේ අතර දකුණු පළාතේ රථ වාහන ආදායම් බලපත්‍ර නිකුත් කිරීම ලබන 16 වැනිදා සිට සැප්තැම්බර් 15 වැනිදා තෙක් අත්හිටුවා තිබේ.
කොවිඩ් වසංගත තත්ත්වය හමුවේ දකුණු පළාතේ මෝටර් රථ ප්‍රවාහන දෙපාර්තමේන්තුව සහ දකුණු පළාතේ සියලුම ප්‍රාදේශීය ලේකම් කාර්යාලවල ඇති ආදායම් බලපත් නිකුත් කරන අංශ වසා දැමෙන බව නිවේදනය කර ඇත.
එම කාලය තුළ කල් ඉකුත් වන ආදායම් බලපත්වලට ලබන ඔක්තෝබර් 15 වැනිදා තෙක් දඩ මුදල් අයනොකෙරෙන බව ද නිවේදනයේ සඳහන් ය.
