යාපනයේ පිහිටි ඉන්දීය කොන්සුලර් කාර්යාලයේ නාම පුවරුවේ සිංහල භාෂාව ඉවත් කොට ඒ වෙනුවට පසුගීය සතියේ සිට හින්දි භාෂාව යොදා ඇති බවට සමජා මාධ්‍ය හා වෙබ් අඩවි කිහිපයකම පළවූ පුවත අසත්‍යයක් බව ජාත්‍යන්තර ෆැක්ට් ක්‍රසෙන්ඩො (fact crescendo) ආයතනය තහවුරු කර සිටී
fact crescendo යනු සමාජ මාධ්‍ය හරහා පලවන විවිධ පුවත් හා තොරතුරු වල නිරවද්‍යතාවය පිලිබඳ සොයාබලන ජාත්‍යන්තර ආයතනයකි .
එම ආයතනයේ වෙබ් අඩවිය පලකල වාර්තාවකට අනුව යාපනයේ ඉන්දීය කන්සියුලර් කාර්යාලයේ නාම පුවරුවේ ආරම්භයේ සිටම එනම් වසර ගණනාවක සිටම තිබී ඇත්තේ හින්දි, ඉංග්‍රීසී සහ දෙමළ භාෂාවන් පමණකි .
බව 2015 ලබා ගත් Google Street View ඡායාරුප වලද ඊට පසුව පැවැත්වූ උත්සවයන්හි ජයාරූප හරහා ද එය තහවුරු වී ඇති බව fact crescendo ආයතනය සඳහන් කර ඇත .
ඒ අනුව පසුගිය සතියේ එම නාම පුවරුවේ කිසිදු වෙනසක් සිදුකර තිබුනේ නැති බව ඉන්දියාවේ නිල මූලාශ්‍ර හරහා ද තහවුරු වී ඇති බව fact crescendo පවසයි
මෙම නාමපුවරුවේ කිසිඳු වෙනසක් සිදුවී නොමැති අතර සිංහල භාෂාවෙන් මීට පෙර සිටම එහි සඳහන්ව නොතිබුණු බව ඒ අනුව තහවුරු වන බවද එම ආයතනය සඳහන් කර ඇත .
එසේම ශ්‍රී ලංකාවේ පවතින වෙනත් කලාපීය රටවල් කිහිපයකයට අයත් මහ කොමසාරිස් කාර්යාල වල නාමපුවරුවලද සිංහල භාෂාව භාවිතා කර නොමැති බව එම ආයතනය පෙන්වාදේ.
FACT CHECK: යාපනයේ ඉන්දීය කොන්සුලර් කාර්යාලයේ නාම පුවරුවේ සිංහල භෂාව ඉවත් කළා ද?
