දශක තුනකට අධික කාලයක් මෙරට තුල පැවති එල්.ටී.ටී.ඊ ත්‍රස්තවාදය පරාජය පත් කර අදට (18) 12 වසරක් සපිරේ .
.2009 වසරේ මැයි මස 18 වනදා නන්දිකඩාල් කලපුවේදී එල් ටී ටී ඊ නායක වේලුපිල්ලේ ප්‍රභාකරන් ඇතුළු එල් ටී ටී ඊ නායකයින් මියයාමත් සමග රටම වෙළාගත් එල් ටී ටී ඊ ත්‍රස්තවාදය මෙරටින් සහමුලින්ම අතුගා දැමීමට ශ්‍රී ලංකා රජයේ ත්‍රිවිධ හමුදා රණවිරුවන් සමත්විය
ලොව විශාලතම මානුෂීය මෙහෙයුම මගින් ප්‍රාණ ඇපයේ සිටි සිවිල් වැසියන් දහස් ගණනක් එල්.ටී.ටී.ඊ ග්‍රහණයෙන් මුදාගැනීමේ ගෞරවය ද ඒත් සමගම මෙරට ආරක්ෂක අංශ වෙත හිමිවිය
මානුෂීය මෙහෙයුම සඳහා නායකත්වය දුන් එවකට ජනාධිපති ලෙස කටයුතු කළ මහින්ද රාජපක්ෂ මහතා වර්තමානයේ අග්‍රාමාත්‍යවරයා ලෙසත්, එවකට ආරක්ෂක ලේකම්වරයා ලෙස කටයුතු කළ ගෝඨාභය රාජපක්ෂ මහතා ජනාධිපතිවරයා ලෙසත් වර්තමානයේ කටයුතු කිරීම විශේෂත්වයකි.
එමෙන්ම යුද හමුදාවේ සේනාංකාධිපතිවරුන් ලෙස කටයුතු කරමින් මානුෂීය මෙහෙයුමේ පෙරමුණේ සිටි ජෙනරාල් කමල් ගුණරත්න මහතා වත්මන් ආරක්ෂක ලේකම්වරයා ලෙසත්, ජෙනරාල් ශවේන්ද්‍ර සිල්වා මහතා වත්මන් ආරක්ෂක මාණ්ඩලික ප්‍රධානී සහ යුද හමුදාපතිවරයා ලෙසත් කටයුතු කරනු ලබයි.
එමෙන්ම එවකට සේනාංක භාරව කටයුතු කළ මෙන්ම යුද ජයග්‍රහණය සඳහා සෘජුව දායකත්වය ලබාදුන් ගුවන්, නාවික, පොලිස් සහ සිවිල් ආරක්ෂක බලකා ප්‍රධානීන් ද මේ වනවිටත් මෙරට සිවිල් ජන ජීවිතය ක්‍රමානුකූලව පවත්වාගෙන යෑම සඳහා වත්මන් රජයට සහයෝගය ලබාදෙමින් කටයුතු කිරීම විශේෂත්වයකි.
