යුද හමුදා බුද්ධි අධ්‍යක්ෂවරයා වහාම ක්‍රියාත්මක පරිදි ඊයේ (28) සිට අදාල සේවාවන්ගෙන් ඉවත් කිරීමට පියවර ගෙන තිබේ.
අදාල බ්‍රිගේඩියරවරයා මෙලෙස තනතුරෙන් ඉවත්කොට සේවා ස්ථාන මාරුවක් ලබා දී ඇත්තේ යුද හමුදාපති ලුතිතන් ජෙනරාල් ශවේන්ද්‍ර සිල්වාගේ උපදෙස් පරිදිය.
බුද්ධි අංශය ප්‍රතිසංධානය කරනු ලබන බව නව යුදහමුදාපතිවරයා පළමු කතාවේදීම සදහන් කර තිබිණි. අදාල ඉවත් කිරීම සම්බන්ධයෙන් විමසා සිටි අවස්ථාවේ යුද හමුදාවේ ජ්‍යෙෂ්ඨ නිලධාරියෙකු මෙම ඉවත් කිරීම තහවුරු කළේය.
අදාල තනතුරට තවත් බ්‍රිගේඩියර්වර එස්.හේවාවිතාන පත්කර ඇති අතර ඔහු කාලතුවක්කු රෙජිමේන්තුව නියෝජනය කරන්නෙකි. නව තනතුරට පත්වුවද ඔහු ඊයේ රාත්‍රිවනවිටත් නිල වශයෙන් තමන්ගේ තනතුරේ වැඩ භාරගෙන නොතිබුණු බව අදාල ආරංචි මාර්ග තහවුරු කළේය.
