යෝජිත නව ව්‍යවස්ථාව සඳහා 19 වන ව්‍යවස්ථාවේ අඩංගු වැදගත් වගන්තිද එක් කල යුතු බව අමාත්‍ය නිමල් සිරිපාල ද සිල්වා මහතා ප්රකාශ කර සිටී.
නව ව්‍යවස්ථාව සදහා පළමු සංශෝධන වටය ආරම්භ කරන්නේ විද්වත් සහ ජනතා අදහස් ද ලබා ගනිමින් බව අමාත්‍යවරයා මාධ්කි‍ය වෙත පැවසීය.
කෙසේ වෙතත් 19 වන ව්‍යවස්ථා සංශෝධනයේ ඇතැම් වගන්ති හරහා රටේ ඉදිරි ගමනට බාධා සිදුවන බවද අමාත්‍යවරයා මෙහිදී ප්රකාශ කළේය.
නව ආණ්ඩුක‍්‍රම ව්‍යවස්ථාවක් සැකසීම සඳහා පංච පුද්ගල අමාත්‍ය මණ්ඩල අනු කමිටුවක් ඉකුත්දා පත් කළ අතර මහාචාර්ය ජී. එල්. පීරිස්, නිමල් සිරිපාල ද සිල්වා, දිනේෂ් ගුණවර්ධන, උදය ගම්මන්පිල සහ අලි සබ්රි යන අමාත්‍යවරු මෙම පංච පුද්ගල අනුකමිටුවට අයත්විය.
