රත්මලාන අත්තිඩිය ප්‍රදේශයේ දී ටී56 අවි සහ කඩු අතැතිව මුහුණු ආවරණය කරගනිමින් අත්තිඩිය ප්‍රදේශයේ අද සැරිසරමින් පුද්ගලයන් දෙදෙනෙකු ඝාතනයට කිසියම් පිරිසක් උත්සහ දරා තිබේ.
මෝටර් රථයකින් පැමිණි එම පිරිස මේ වනවිට ඩුබායිහි සැඟව සිටින පාතාල ප්‍රබලයකු වන ‘ගොනාකෝවිලේ අංජු’ නමැත්තාගේ ගෝලයින් බවට බුද්ධි අංශ විසින් හඳුනාගෙන ඇත.
ඔවුන් ඝාතනයට උත්සහ දරා ඇත්තේ කරු සහ පොඩිමයියා නමැති දෙදෙනා බව බුද්ධි අංශ හෙළිකරගෙන තිබේ.
ආරක්ෂක කැමරාවල දර්ශන උපයෝගී කරගෙන ගිනිඅවි කඩු රැගෙන පුද්ගලයන් ඝාතනයට පැමිණි ඔවුන් අත්අඩංගුවට ගැනීම සඳහා බස්නාහිර පළාත් භාර දකුණ දිසාව භාර අපරාධ කොට්ඨාසය මගින් පරීක්ෂණ අරඹා ඇත.
