රාජ්‍ය සේවා සත් සාමාජික රග්බි ශූරතාව හිමි කරගැනීමට මෙවර අධ්‍යාපන අමාත්‍යාංශයේ රග්බි කණ්ඩායම සමත් ව ඇති අතර, ඔවුන් අධ්‍යාපන අමාත්‍ය අකිල විරාජ් කාරියවසම් මහතා හමුවිය. අනුරාධපුර මහජන ක්‍රීඩාංගණයේ දී ඉකුත් දා පැවති අවසන් මහා තරගයේ දී අධ්‍යාපන අමාත්‍යාංශ කණ්ඩායම ලකුණු 26-0 ක් ලෙස ප්‍රතිවාදි රේගු අධිකාරියේ කණ්ඩායම පරාජයට පත්කිරීමට සමත්ව විය. අධ්‍යාපන අමාත්‍ය, නීතීඥ අකිල විරාජ් කාරියවසම් මහතාගේ මගපෙන්වීම යටතේ පාසල් ක්‍රීඩාව ශක්තිමත් කිරීම වෙනුවෙන් ප්‍රායෝගික ව දායක කරගැනීම වෙනුවෙන් පාසල් ක්‍රීඩා පුහුණුකරුවන් 3888ක් පාසල් පද්ධතියට බඳවා ගන්නා ලද අතර, රග්බි ක්‍රීඩාවෙහි ජාතික මට්ටමේ දක්ෂතා දැක්වූ ක්‍රීඩකයන්ගෙන් මෙම සත් සාමාජික කණ්ඩායම සමන්විත විම විශේෂත්වයකි. කේ.ජී.එම්.ජී සෝමරත්න මහතාගේ නායකත්වයෙන් තරග කළ මෙම කණ්ඩායමේ ආර්.අසංක ලක්මාල් මහතා තරගයේ දක්ෂත ම ක්‍රීඩකයා විය. නන්දසේන චතුරංග මහතා කණ්ඩායමේ පුහුණුකරු ලෙස කටයුතු කරයි. අධ්‍යාපන අමාත්‍ය, නීතීඥ අකිල විරාජ් කාරියවසම් මහතා මෙහිදී ජයග්‍රාහී කණ්ඩායමට සුබ පැතුම් එක් කළේය. ඡායාරූප සහතොරතුරු අධ්‍යාපන අමාත්‍යංශ අනුග්‍රහයෙනි..
නවතම පුවත්
රාජ්‍ය සේවා සත් සාමාජික රග්බි කිරුළ දිනු ක්‍රීඩා පුහුණුකරුවන් ඇමති අකිල හමුවෙති
- September 14, 2019
- 7:41 am
