මෙරට හිටපු විදේශ අමාත්‍යවරයෙකු වු ලක්ෂ්මන් කදිරගාමර් මහතා ඝාතනය කිරීමේ සිද්ධිය සම්බන්ධයෙන් ශ්‍රී ලාංකික LTTEයේ හිටපු බුද්ධි අංශ සාමාකජිකයකු ජර්මනියේ අධිකරණය හමුවේ වරදකරු වී තිබේ.
ජර්මනියේ ස්ටුඩ්ගාඩ්හි ප්‍රාදේශීය අධිකරණයක් විසින් ජී.නවනීදන් නමැත්තාට වසර 06ක සහ මාස 10ක සිරදඬුවමක් නියම කර ඇත.
ලක්ෂ්මන් කදිරගාමර් මහතා සිටින ස්ථානය පිළිබඳව LTTE ත්‍රස්ත සංවිධානයට තොරතුරු ලබාදීම ඔහුට එරෙහිව තිබූ චෝදනාවයි.
මොහු 2012 වර්ෂයේ ජර්මනීයේ සරණාගතභාවය සදහා ඉල්ලුම් කර ඇත.
සරණාගතභාවය ලබාදීමට පැවති සම්මුඛ පරීක්ෂණයේදී ඔහු තමා ලක්ෂ්මන් කදිරගාමර් මහතා ඝාතනය කිරීම සම්බන්ධයෙන් තොරතුරු ලබාදුන් බවට ප්‍රකාශ කර ඇතත් පසුව එම ප්‍රකාශය ප්‍රතික්ෂේප කර තිබුණි.
LTTE ස්නයිපර් තුවක්කුකරුවෙකු විසින් හිටපු විදේශ අමාත්‍ය ලක්ෂ්මන් කදිරගාමර් මහතා ඝාතනය කරනු ලැබුවේ 2005 වර්ෂයේ අගෝස්තු 12 වන දින කොළඹ පිහිටි අමාත්‍යවරයාගේ නිවසේ දී ය.
