පැතුම් වික්‍රමරත්න
නව කොරෝනා වෛරසයේ ව්‍යාප්තිය හේතුවෙන් දැනට වසා දමා ඇති අමෙරිකාවේ ප්රාන්ත කිහිපයක් යළිත් විවෘත කිරීමට එම ප්රාන්ත ආණ්ඩුකාරවරුන් සූදානම් වෙමින් සිටින බව එරට මාධ්‍ය අනාවරණය කර සිටී.
ඒ අනුව අමෙරිකාවේ නැගෙනහිර කොටසේ පිහිටි ප්රාන්ත 06 ක් යළි විවෘත කිරීම සම්බන්ධයෙන් එම ප‍්‍රාන්තවල ආණ්ඩුකාරවරුන් දැනටමත් සාකච්ඡා අරඹා ඇති බව එම මාධ්‍ය වාර්තා සඳහන් කර ඇත,
මෙලෙස විවෘත කිරීමට සූදානම් වන ප්රාන්ත අතරට නව කොරෝනා වෛරසයේ ව්‍යාප්තියෙන් වැඩිම බලපෑමක් එල්ලවී ඇති නිව්යෝර්ක් ප‍්‍රාන්තය ද අයත්වේ.
ඊට අමතරව නිව් ජර්සි, කනේක්ටිකට් හා පෙන්සිල්වේනියා යන ප්රාන්ත ද යළි මෙසේ විවෘත කිරීමේ සූදානමක් පවතින බවයි වාර්තාවේ.
කෙසේ වෙතත් එරටින්ම ලැබෙන වාර්තාවන්ට අනුව තවදුරටත් ලොව වැඩිම නව කොරෝනා ආසාදිතයින් ගණනක් සහ වැඩිම නව කොරෝනා මරණ ගණනක් වාර්තා වන්නේ අමෙරිකාවෙන් වන අතර ගතවු පැය 24 තුළ පමණක් එරටින්න ව කොරෝනා මරණ 1,513 ක් වාර්තාවිය .
