කොවිඩ් 19 වෛරසය ආසාදනය වූ බවට තහවුරු කර ගත් පුද්ගලයන් සංඛ්‍යාව අද දහවල් වනවිට මිලියන 05 ඉක්මවා ගොස් ඇත.
සමස්ත ලෝක ජනගහනයෙන් සෑම මිලියනයකින්ම පුද්ගලයන 641 දෙනෙකුට මේ වනවිට වෛරසය ආසාදනය වී ඇති අතර සෑම මිලියනයකට පුද්ගලයන් 42 දෙනෙකු වෛරසය හේතුවෙන් ජීවිතක්ෂයට පත්ව ඇත.
මේ වනවිට ලොව පුරා වාර්තා වන සමස්ත ආසාදිතයන් ප්‍රමාණය 5,000,280 කි. වාර්තා වන පුද්ගල මරණ ප්‍රමාණය 325,151 කි.
කොවිඩ් වෛරසය ආසාදනය වූ පුද්ගලයන්ගෙන් ලොවපුරා මිලියන දෙකකට ආසන්න ප්‍රමාණයක් සුවය ලබා සිටින අතර මේ වනවිට මිලියන 2.6 ක් පමණ තවමත් ප්‍රතිකාර ලබමින් සිටී. ඔවුන්ගෙන් 45,431 ක් බරපතල තත්වයේ පසු වෙති.
