ප්‍රබෝධා හෙට්ටිආරච්චි
ලොව පුරා කොවිඩ් රෝගීන්ගේ සංඛ්‍යාව අඩුවෙමින් පවතින නමුත් මරණ සංඛ්‍යාව එකම අනුපාතයකින් අඩු වී නොමැති බව ලෝක සෞඛ්‍ය සංවිධානයේ අධ්‍යක්ෂ ජනරාල් ටෙඩ්‍රොස් අද්නාම් ගෙබ්‍රෙයිසස් පවසයි.
වසංගතයේ ආරම්භයේ සිට ලොව පුරා මිලියන 3.8 කට වැඩි පිරිසක් කොවිඩ් රෝගයෙන් මිය ගොස් ඇත.
ගෝලීය එන්නත් බෙදා හැරීමට වඩා වේගයෙන් කොවිඩ් -19 ව්‍යාප්ත වෙමින් පවතින බව ලෝක සෞඛ්‍ය සංවිධානයේ නිලධාරීහු ඊයේ (14) අවධාරණය කළහ.
සම්ප්‍රේෂණ අනුපාතය වැඩිවශයෙන් පෙනී යන්නේ ඇල්ෆා සහ ඩෙල්ටා වැනි නව ප්‍රභේද වන අතර ඒවා වඩාත් බෝවන බව පෙන්නුම් කර ඇත.
“එයින් අදහස් වන්නේ ලෝක ජනගහනයෙන් වැඩි ප්‍රමාණයක් වන ආරක්ෂිත නොවන පුද්ගලයින් සඳහා අවදානම් වැඩි වී ඇති බවයි” යැයි සඳුදා පැවති මාධ්‍ය හමුවකදී ටෙඩ්‍රොස් පැවසීය.
