සෞඛ්‍ය අමාත්‍යංශයේ වසංගත රෝග විද්‍යා අංශයේ වෛද්‍යවරුන් කිහිප දෙනෙකු පමණක් සාකච්ඡා කර කොරෝනා වෛරසය ව්‍යාප්තිය සම්බන්ධයෙන් තීන්දු තීරණ ගන්නා බවට රජයේ වෛද්‍ය නිලධාරීන්ගේ සංගමය චෝදනා කර සිටී .
එහි සභාපති විශේෂඥ වෛද්‍ය අනුරුද්ද පාදෙනිය සඳහන් කළේ මේ සම්බන්ධයෙන් තමන් ජනාධිපතිවරයාටද පැමිණිලි කළ බවය .
වසංගත රෝග විද්‍යා අංශයේ .වෛද්‍යවරුන් දස දෙනෙකු සිටියත් , එහි සියලු තීන්දු තීරණ ගන්නේ වෛද්‍යවරුන් තිදෙනෙකු බවත් පාදෙණිය මහතා චෝදනා කර ඇත . එසේම එම තිදෙනා සෙසු වෛද්‍යවරුන් සමග සුහදව කටයුතු නොකරන බවද පාදෙණිය මහතා පැවසීය .
දින 14 කට රට වසා දැමීම සුදුසු බවට තම සංගමයේ අදහස වුවද වසංගත රෝග විද්‍යා අංශය ඒ පිලිබඳ යෝජනාවක් හෝ ඊට අදාළ දත්ත ජනාධිපතිවරයා ඇතුළු බලධාරීන්ට ඉදිරිපත් කර නොමැති බවද පාදෙණිය මහතා මාධ්‍ය වෙත පැවසීය
