2022 වසරේ ඉදිරි කාලය සඳහා නව අයවැය ලේඛනයක් ඉදිරිපත් කිරීමට රජය සාකච්ඡා කරමින් සිටින බව වාර්තාවේ.
මුදල් අමාත්‍ය අලි සබ්රි මහතාට අනුව මේ වන විටත් මහ බැංකු අධිපතිවරයා ඇතුළු ඉහළ නිලධාරින් සමඟ මේ පිළිබඳව සාකච්ඡා පැවැත්වේ.
“පවතින ආර්ථික අර්බුදය හමුවේ 2022 වසර වෙනුවෙන් ඉදිරිපත් කරන ලද අය වැය ලේඛනය තවදුරටත් ක්‍රියාත්මක කළ හැකිද යන්න පිළිබඳ ගැටළුවක් පැන නැගී තිබෙනවා.ජාතික ආදායම් විශාල වශයෙන් පහත වැටී ඇති තත්ත්වයක් තුල එය ඉහළ දැමීම සඳහා අඩු කළ බදු යළි වැඩි කිරිම අනිවාර්ය අවශ්‍යතාවයක්.” යනුවෙන් ඔහු මාධ්‍යය වෙත පවසා සිටියේය.
