දිවයිනේ ප්‍රදේශ රැසක මේ වන විට වායු දුෂණය ඉහළ ගොස් ඇති බව මෙරට වායු දුෂණ මාපකයන් පෙන්වා දෙනවා. මේ වනවිට දිවයිනේ ප්‍රදේශ රැසක වායු ගුණාත්මක දර්ශකය 150 ත් 170 ත් අතර අගයක පවති.
මේ වන විට ගම්පහ දිස්ත්‍රික්කයේ වායු ගුණාත්මක දර්ශක අගය 169ක්, යාපනය දිස්ත්‍රික්කය 168ක්, මිගමුව 157ක්, කොළඹ දිස්ත්‍රික්කය 153ක්, අම්බලන්තොට 151ක්, ලෙස සටහන්ව ඇති බවයි වායු දුෂණ මාපකයේ සටහන්ව ඇත්තේ.
මෙවන් තත්ත්වයක් පවතින අවස්ථාවකදී ශ්වසන රෝග ඇති අය, කුඩා දරුවන්, වැඩිහිටියන් මෙන්ම ගර්භනී මව්වරුන් ආරක්‍ෂාකාරී විය යුතු බවයි වෛද්‍යවරුන් සඳහන් කර සිටින්නේ.
