පැතුම් වික්‍රමරත්න
උතුරු, නැගෙනහිර ඇතුළු පළාත් කිහිපයක පවතින වැසි තත්ත්වයන අද සිට තාවකාලිකව අඩුවිය හැකි බව කාලගුණ විද්‍යා දෙපාර්තමේන්තුව නිවේදනය කර සිටී.
කෙසේවෙතත් , සබරගමුව, බස්නාහිර සහ මධ්‍යම පළාත්වලත්, ගාල්ල, මාතර දිස්ත්‍රික්කවලට ඇතැම් ස්ථානවලට අද දිනද පස්වරුවේ මිලිමීටර් 75 – 100 අතර තරමක තද වැසි ඇතිවිය හැකි බව දෙපාර්තමේන්තුව සඳහන් කර සිටී.
මෙහිදී ගිගුරුම් සහිත වැසි සමග තාවකාලිකව තද සුළං ඇතිවිය හැකි අතර අකුණු මගින් සිදුවන අනතුරු අවම කර ගැනීමට කටයුතු කරන ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙයි.
කන්කසන්තුරය සිට මන්නාරම සහ පුත්තලම හරහා මීගමුව දක්වා වන මුහුදු ප්‍රදේශවල සුළගේ වේගය විටින් විට පැයට කිලෝමීටර් 50 – 55 ත් දක්වා ඉහළ යා හැකි අතර තරමක් එම මුහුදු ප්‍රදේශ රළු විය හැකි වේ.
ගිගුරුම් සහිත වැසි ඇතිවනවිට එම මුහුදු ප්‍රදේශවල සුළගේ වේගය පැයට කිලෝමීටර් 70 – 80 දක්වා ඉහළ යා හැකි බව ද කාලගුණ විද්‍යා දෙපාර්තමේන්තුව පැවසුවේ ය.
