‘සති දෙකකින් මම මේ රටේ කසිප්පු සංහාරයක් පටන් ගන්නවා’ යැයි ජනාධිපති මෛත‍්‍රීපාල සිරිසේන මහතා පවසයි.
දෙහිඅත්තකණ්ඩියේදී පැවැති ජන හමුවකදී ජනාධිපතිවරයා මේ බව පවසා තිබේ.
එහිදී ජනාධිපතිවරයා වැඩිදුරටත් මෙසේ ද කියා සිටියේ ය.
‘ආනයනික කිරිපිටි භාවිතයට සුදුසු නෑ. අපේ රටේ කිරි නිෂ්පාදනය වැඩිදියුණු කරන්න ඔ්නෑ. මම මගේ මේ ඇ`ගිලිවලින් කිරි දොවලා තියෙනවා අපේ ගෙදර ඒ කාලේ හිටිය එළදෙනගෙන්. අපේ රටේ කිරි භාවිතයට ගත යුතුයි. මෙරට දියර කිරි නිෂ්පාදනය ඉහළ නැංවීම වෙනුවෙන් වේගවත් වැඩපිළිවෙලක් අවශ්‍යයි. ගොවියා ණය බරින් මුදා ගැනීම, ඔවුන්ගේ පවුල්වල ජීවන තත්ත්වය උසස් කිරීම සහ ගොවි පරපුරට යහපත් සමාජ පිළිගැනීමක් ඇති කිරීම අවශ්‍යයි. මම දැක්කා පාර්ලිමේන්තුවේදී ආනයනික කිරිපිටි ගැන කතාකරලා තිබුණා. මම දැක්කා සෞඛ්‍ය ඇමතිතුමාත් විදේශීය කිරිපිටිවලට සහතිකයක් දීලා තිබුණා.මම සෞඛ්‍ය ඇමතිවෙලා හිටිය කාලේ මම ඔය එක විදේශීය කිරිපිටි සමාගමක්වත් ගෙදරට වද්දගත්තේ නෑ. මාත් එක්ක ඔය බහුජාතික සමාගම් තරහවෙයි. මාත් එක්ක මත්කුඩු ජාවාරම්කාරයෝ තරහයි, බෙහෙත් සමාගම්කාරයෝ තරහයි. කසිප්පුකාරයෝ තරහයි. මම තව සති දෙකකින් මේ රටේ කසිප්පු සංහාරයත් පටන් ගන්නවා.’
