විශ්‍රාමිකයින්ට අවශ්‍ය ඖෂධ මිල දී ගැනීම සඳහා දින 3කට ඖෂධ අලෙවිසැල් විවෘත කිරීමට රජය තීරණය කර තිබේ.
ඒ අනුව හෙට(02) අනිද්දා (03) සහ මාර්තු 6 වන දින මෙම අලෙවිසැල් විවෘතව තැබෙන බව පොලිස් මාධ්‍ය ප්‍රකාශකවරයා පවසයි.
විශ්‍රාමිකයින් සඳහා රජය විසින් හෙට සහ අනිද්දා විශ්‍රාම වැටුප් ලබා දීමට කටයුතු යොදා තිබේ.
මේ අතර යුද හමුදාපතිවරයා පවසා සිටියේ, හෙට සහ අනිද්දා ත්‍රිවිධ හමුදාව විසින් ජ්‍යෙෂ්ඨ පුරවැසි විශ්‍රාමිකයින්ට බැංකු වෙත යෑමට අවශ්‍ය ප්‍රවාහන කටයුතු සලසා දී තිබෙන බවයි.
එම කටයුත්ත ග්‍රාම නිලධාරී කොට්ඨාස හා එකතු වී සංවිධානය කරන බවත් යුද හමුදාපතිවරයා මෙහිදී පැවසීය.
මේ අතර ඖෂධ අලෙවිසැල් සඳහා ගමන් ගන්නා විශ්‍රාමිකයින්ට තම විශ්‍රාමික හැඳුණුම්පත ඇඳිරි නීති බලපත්‍රය ලෙස භාවිතා කළ හැකි බව පොලීසිය පවසයි.
