ශ්‍රී ලංකාවේ ආහාර අනාරක්ෂිතතාව උග්‍ර විය හැකි බවට ලෝක ආහාර හා කෘෂිකර්ම සංවිධානය සහ ලෝක ආහාර වැඩපිළිවෙළ අනතුරු අඟවා තිබේ.
ඊට හේතු ලෙස දුර්වල කෘෂිකාර්මික නිෂ්පාදනය, භාණ්ඩ මිල ඉහළ යාම හා පවතින ආර්ථික අර්බුදය එක්සත් ජාතීන්ගේ ආහාර හා කෘෂිකර්ම සංවිධානය සහ ලෝක ආහාර වැඩපිළිවෙළ නිකුත් කළ නවතම වාර්තාවේ දක්වා ඇත.
ජනගහනයෙන් 30%කට ආසන්න ප්‍රමාණයක් දැනටමත් ආහාර අනාරක්ෂිතතාවට පත් ව සිටින බව එම සංවිධාන පෙන්වා දෙයි. හදිසි ආධාර ප්‍රමාද වුව හොත් එම අනාරක්ෂිතතාව තවදුරටත් උග්‍ර වන බව ඔවුහු පවසති.
මෙරට මිලියන 6.3ක ජනතාවක් මධ්‍යම මට්ටමේ සිට උග්‍ර මට්ටමේ ආහාර අනාරක්ෂිතතාවකට මුහුණ දී සිටින බව එම සංවිධාන සඳහන් කර ඇත.
ආසන්න වසර දෙකක බෝග අස්වැන්න අසාර්ථක වීම හේතුවෙන් මෙරට ආහාර නිෂ්පාදනය 50%කින් පමණ පහත වැටී ඇති බව හෙළි වී තිබෙන බව ද එම සංවිධානය නිකුත් කළ වාර්තාවේ දැක්වේ.
එමෙන්ම විදේශ විනිමය අර්බූදය ද මෙම ආහාර අනාරක්ෂිතතාව උග්‍ර කිරීමට හේතු වී ඇති බව එම වාර්තාව පෙන්වා දෙයි.
