ශ්රී ලංකාව ගෙවිය යුතු ඩොලර් බිලියන 51 ක විදේශ ණය ගෙවීම පැහැර හැර ඇති බව ජාත්යන්තර පුවත් සේවා කිහිපයක් වාර්තා කර ඇත .
ශ්රී ලංකාව තම අත්යවශ්ය භාණ්ඩ ආනයනය කිරීම සඳහා විදේශීය විනිමය භාවිත්ය අවසන්වීමෙන් පසු මෙම පියවර අවසාන විකල්පය ලෙස ගෙන ඇතැයි ද එම වාර්තා වැඩිදුරටත් පෙන්වාදී ඇත .
ශ්රී ලංකාව නිදහස ලබාගැනීමෙන් පසු දරුණුතම ආර්ථික පසුබෑමට මුහුණ දී ඇති බවත් නිරන්තරයෙන් විදුලි ඇනහිටීම සහ ආහාර සහ ඉන්ධන වල උග්ර හිගයක් ඇතිව තිබෙන බවත් ප්රංශ පුවත් සේවය මෙහිදී විශේෂයෙන් සඳහන් කර ඇත .
පසුගිය වසරේ ජාත්යන්තර ශ්රේණිගත කිරීමේ ආයතන විසින් ශ්රී ලංකාව පහත හෙළා ඇති අතර ණය රැස් කිරීම සඳහා විදේශ ප්රාග්ධන වෙළෙඳපොළ වෙත ප්රවේශ වීම අවහිර කර ඇතැයිද ප්රංශ පුවත් සේවා වාර්තාවේ තව දුරටත් දැක්වෙයි.