මවගෙන් දරුවන්ට එච්.අයි.වී. වෛරසය හා සිෆිලස් රෝගය ආසාදනය වීම තුරන් කළ රටක් ලෙස, ලෝක සෞඛ්‍ය සංවිධානය විසින් ශ්‍රී ලංකාව නම් කර ඇත.
මහජන සෞඛ්‍ය සේවය ශක්තිමත් කිරීම සඳහා ශ්‍රී ලංකාවේ ඇති කැපවීම මේ හරහා මැනවින් පැහැදිලි වන බවත් , ශ්‍රී ලංකාව ලැබූ මෙම ජයග්‍රහණයට සුභ පතන බවත් ලෝක සෞඛ්‍ය සංවිධානයේ දකුණු ආසියානු කලාපීය අධ්‍යක්ෂිකා වෛද්‍ය පූනම් සිං මහත්මිය සඳහන් කර සිටී.
දශක ගණනාවක සිට ශ්‍රී ලංකාවේ මූලක සෞඛ්‍ය සේවාවන් විධිමත් ලෙස ගොඩනැංවීමට ශ්‍රී ලංකාව ගත් පියවරයන් , හරහා මෙම සාර්ථකත්වය ලැබී ඇති බවද සිං මහත්මිය සඳහන් කර ඇත.
මවගෙන් දරුවන්ට එච්.අයි.වී. වෛරසය ආසාදනය වීමක් පිළිබඳව 2017 වසරේ සිටම ශ්‍රී ලංකාවෙන් වාර්තා වී නොමැති බව ලෝක සෞඛ්‍ය සංවිධානය සඳහන් කර ඇත.
දකුණු හා නැගෙනහිර ආසියානු කලාපය තුල තායිලන්තය හා මාලදිවයිනට පසු , සෞඛ්‍ය ක්ෂේත්‍රයේ මෙම අංශය තුලින් මෙතරම් සාර්ථක මට්ටමක පැමිණ ඇති එකම රට ශ්‍රී ලංකාව වන බවද ලෝක සෞඛ්‍ය සංවිධාන සඳහන කර ඇත.
