වසර 100ක පමණ කාලයක සිට ස්වීඩනය විසින් කපන සෑම ගස් සංඛ්‍යාවක් සදහාම දෙගුණයක් ගස් සිටුවීමේ ප්‍රතිපත්තිය එරට සියල්ලන්ම අනුගමනය කිරීම නිසා මේ වනවිට ස්වීඩනයේ මුළු භූමි ප්‍රමාණයෙන් 70%ක්ම ගස්වලින් පිරී ඇත.

මෙම ප්‍රබල සහ කාලෝචිත ප්‍රතිපත්තිය හේතුවෙන් එරට ලෝකයේ විශාලතම කඩදාසි නිෂ්පාදකයා වීමට ද සුදුස්සන් වී ඇත්තේ ඒ සදහා ඔවුන්ට අවශ්‍ය දැව ඇති තරම් තිබෙන නිසයි.

දැව නිෂ්පාදනය අතින් වාණිජ මට්ටමේ ඉතා ඉහළ වටිනාකමක් ලබාගැනීමට ද ස්වීඩනයට මේ හේතුවෙන් හැකිවී තිබේ.

ගස් කැපීම අර්බුදයක් නොවන ලෙස ප්‍රතිපත්ති සකස් කරගැනීම නිසාම ස්වීඩනයට 1%ක වාණිජ වනගහනයක් ඇත.

එය ඔවුන් පවත්වාගෙන යනු ලබන්නේ මුළුමනින්ම දැව නිෂ්පාදනය වෙනුවෙනි.

වසර 100කට එපිට ස්වීඩනයේ පැවැති වන ඝනත්වයට වඩා ඉතා විශාල ප්‍රමාණයක් දැන් පවතින බැවින් එරට ජගනගහනය වෙනුවෙන් ඔවුන් වෙන් කර ඇත්තේ ඉතාම කුඩා බිම් කඩක් පමණි.

මෙම ක්‍රියාමාර්ගය හේතුවෙන් ස්වීඩනය ලොව සෙසු රටවලට සාපේක්ෂව වායු, පිරිසිදු ජලය, ආහාර නිෂ්පාදනය, සුදුසු වාසය ආදි කරුණු අතින් ඉතා ආරක්ෂිත රටක් ලෙස සැළකේ.

ස්වීඩනයේ වාර්ෂික වන ඝනත්වය කියුබික් මීටර් මිලියන 120කි.

සෑම වසරකම කියුබික් මීටර් 90ක් පමණ ප්‍රතිඵලයක් ඔවුන් ලබන අතර මේ හේතුව නිසාම තිරසර වන ආකෘතිය තුළ ස්වීඩන ජනතාවට බොහෝ රැකියා ද උත්පාදනය කරනු ලබයි.

දැව නිෂ්පාදනය ස්වීඩන ආර්ථිකයේ ප්‍රධානතම බලපෑම්කරු වන අතර වන කර්මාන්තය මගින් ඍජු රැකියා 60,000ක් හා වක්‍ර රැකියා 200,000ක් උත්පාදනය කරනු ලබයි.

1993 දී ස්වීඩන රජය විසින් සම්මත කරගත් සිය වනාන්තර ‘ජාතික සම්පතක්’ ලෙස ප්‍රකාශයට පත්කිරීමත් සමග ඒ ඔස්සේ ගත් පියවර හේතුවෙන් ස්වීඩනය මේ වනවිට පාරිසරික, සමාජමය, ආර්ථිකමය ස්ථාවරත්වයට පත්ව සිටියි.