මේ දිනවල ඉන්දියාව පුරා වේගයෙන් පැතිර යන සිකා වෛරසය ශ්‍රී ලංකාව තුළද එය ව්‍යාප්ත වීමේ අවදානමක් පවතින බව රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා මහතා අනතුරු අඟවා සිටී .
මෙම වෛරසය මදුරුවන්ගෙන් බෝවන හෙයින් ජනතාව මේ පිළිබඳව අවධානය යොමු කලයුතු බවද විශේෂඥ වෛද්‍ය දීපාල් පෙරේරා මහතා ප්‍රකාශ කර සිටී .
ඉන්දියාවේ සිට මෙරටට පැමිණෙන අය ගැන කල්පනාකාරී විය යුතු බවද ඔහු මාධ්‍ය වෙත පැවසීය
මෙය ඩෙංගු රෝගය හා සමාන රෝගයක් වන අතර රෝග ලක්ෂණද ඩෙංගු රෝගය හා සමාන වන බවත් විශේෂයෙන් මෙය ගැබිණි මව්වරුන්ට වැළඳුනහොත් උපදින දරුවන්ගේ මොළය කුඩා වීමක් සිදුවන නිසා රෝගය සෑදීම වළක්වා ගත යුතු බවත් දීපාල් පෙරේරා මහතා කියාසිටියේය .
මෙහිදී විශේෂයෙන් මදුරුවන් බෝ වීම වළක්වා ගැනීම මෙන්ම මදුරුවන් දෂ්ට කිරීමෙන්ද ආරක්ෂා වීම වැදගත්බව ඒ මහතා පැවසීය .
