සමාජ මාධ්‍ය ඔස්සේ ඉස්ලාමයට අපහාස කිරීම සම්බන්ධයෙන් ඩුබායිහි තරු පහේ හෝටලයක ආරක්ෂක භටයින් ලෙස සේවය කළ ශ්‍රී ලාංකිකයන් තිදෙනෙකුට එරට අධිකරණය විසින් ඩිරාම් ලක්ෂ 5 බැගින් 500,000 ක දඩ මුදල් නියම කර තිබේ.
පසුගිය වසරේ මැයි 19 වැනිදා පැමිණිල්ල ගොනුකොට ඇත.
ඉන්ස්ටග්‍රෑම් සහ ෆේස්බුක් හි පළ කරන ලද ඉස්ලාමීය ආගමට කරන ලද අපහාසාත්මක ප්‍රකාශ මෙම චෝදනාවට හේතුවී ඇත.
වරදකරුවන් වයස අවුරුදු 28 ත් 34 ත් අතර ශ්‍රී ලාංකිකයන් ය.
වෙනස් කොට සැලකීම් සහ වෛරීසහගත ලෙස කටයුතු කිරීමේ නීතිය සහ ෆෙඩරල් දණ්ඩ නීති සංග්‍රහයට අනුකූලව චෝදනා නඩු විභාගයකට යොමු කර තිබුණි.
ඩුබායි අධිකරණය නියෝග කළේ දඩ මුදල් ගෙවා විත්තිකරුවන් තිදෙනාම පිටුවහල් කරන ලෙසයි.
පැමිණිල්ලේ විමර්ශනය අතරතුර විත්තිකරුවන් තිදෙනා චෝදනාව පාපොච්චාරණය කර ඇත.
විත්තිකරුවන් කිසිවෙකු නීතිමය කාලසීමාව තුළ අභියාචනයක් ඉදිරිපත් නොකිරීම නිසා අධිකරණ තීන්දුව ක්‍රියාත්මක වේ.
