පැතුම් වික්‍රමරත්න
කොරෝනා වසංගතය පාලනය සඳහා දැනට හඳුන්වා දී ඇති මාර්ගෝපදේශ සංග්‍රහය ඉදිරියේදී විද්වත් කමිටුවල උපදෙස් අනුව සංශෝධනය කිරීමට සැලසුම් කර ඇති බව ප්‍රාථමික සෞඛ්‍ය සේවා, වසංගත රෝග හා කොරෝනා පාලන රාජ්‍ය අමාත්‍යාංශය සඳහන් කර සිටී .
දැනට ගෙන ඇති තීරණවලින් මහජනතාවට සිදුවන අවහිරතා මගහැරීමට අවශ්‍ය පියවර ගැනීමට ඇති හැකියාව පිළිබඳ මෙහිදී අවධානය යොමු කරන බවද එහි අමාත්‍යංශ ලේකම් වෛද්‍ය අමල් හර්ෂ ද සිල්වා මහතා මාධ්‍ය වෙත සඳහන් කළේය
දැනට සකස් කර ඇති මාර්ගෝපදේශ සංග්‍රහයේ ඇති ඇතැම් කරුණුවල විද්‍යාත්මක පදනම විමසා බැලීමක් සිදු කරන බව ද ඔහු සදහන් කළේ ය.
ඒ සම්බන්ධයෙන් පත් කළ විද්වත් කමිටුව සමග අමාත්‍ය සුදර්ශනී ප්‍රනාන්දුපුල්ලේ මහත්මිය සාකච්ඡා පවත්වා කරුණු විමසා ඇතැයි ද ලේකම්වරයා වැඩිදුරටත් සඳහන් කළේ ය.
