කොවිඩ් 19 සෞඛ්‍ය හා සමාජ සංරක්ෂණ අරමුදල වෙත ෆෙයාෆස්ට් ඉන්ෂුවරන්ස් සමාගම රුපියල් මිලියන 10 ක මුදලක් පරිත්‍යාග කර ඇත.
අදාළ මුදල ෆෙයාෆස්ට් ඉන්ෂුවරන්ස් සමාගමේ කළමනාකාර අධ්‍යක්‍ෂ සහ ප‍්‍රධාන විධායක නිලධාරී ආචාර්ය සංජීව් ජා මහතා ඇතුළු ෆෙයාෆස්ට් ඉන්ෂුවරන්ස් සමාගමේ නිලධාරීන් විසින්, ආරක්ෂක ලේකම් විශ්‍රාමික මේජර් ජෙනරල් කමල් ගුණරත්න මහතා වෙත පසුගියදා පිරිනමන ලදි.
මීට සමගාමීව මෙහිදී ශ්‍රී ලංකා රථවාහන පොලිස් මූලස්ථානය, නැගෙනහිර කොළඹ මූලික රෝහල හා ජාතික බෝවන රෝග විද්‍යායතනය (IDH) ඇතුළු දිවයින පුරා ආරක්ෂක අංශ, රෝහල් සහ නිරෝධායන මධ්‍යස්ථාන 31 ක් සඳහා අවශ්‍ය ආරක්‍ෂිත ඇඳුම් කට්ටල 2,000ක්, මුහුණු ආවරණ 10,000ක් හා අත් ආවරණ 3,850ක්ද ෆෙයාර් ෆස්ට් සමාගම පරිත්‍යාග කර ඇත.
ව්‍යාපාරයක් ශ්‍රේෂ්ඨ වන්නේ අර්බුදයකදී ඵලදායී ලෙස තම සම්පත් යෙදවීම තුළින් වන බවත් . ෆෙයාෆස්ට් ඉන්ෂුවරන්ස් යනු ජනතාවට රැකවරණය සලසන අතරම ඔවුන්ට ශක්තියක් වීම සඳහා සෑම විටම උත්සාහ කරන සමාගමක් වන බවත් එහි කළමනාකාර අධ්‍යක්‍ෂ සහ ප‍්‍රධාන විධායක නිලධාරීවරයා මෙම අවස්ථාවේදී සඳහන් කර ඇත.
