2020 වසර තුල දුම්පානය හේතුවෙන් මියගිය පුද්ගලයින් සංඛ්‍යාව ලක්‍ෂ පනහකට ආසන්න (4995674) වන බව ලෝක සෞඛ්‍ය සංවිධාන වාර්තා පෙන්වාදේ .
මෙහි සුවිශේෂී කරුණ වන්නේ මෙම 2020 වසර තුල කොරෝනා වසංගතයෙන් මියගොස් ඇති සමස්ත පුද්ගලයින් සංඛ්‍යාව ලක්‍ෂ 18කට ආසන්න අගයක් ගැනීමය .
ඒ අනුව මෙම වසර තුල දුම්පානය හේතුවෙන් මියගොස් ඇති පුද්ගලයින්ගේ ගණන, කොරෝනා වසංගතයෙන් මිය ගිය සංඛ්‍යාව මෙන් දෙගුණයකටත් වඩා වැඩි බව ලෝක සෞඛ්‍ය සංවිධාන වාර්තා පෙන්වාදේ .
එසේම මෙම වසර තුල මත්පැන් පානය හේතුවෙන් මියගිය පුද්ගලයින් සංඛ්‍යාව ලක්‍ෂ 24 කට ආසන්න බවද ලෝක සෞඛ්‍ය සංවිධාන වාර්තා උපුටා දක්වමින් worldometers (https://www.worldometers.info ) වෙබ් අඩවිය පෙන්වාදී ඇත .
ඒ අනුව මෙම වසර තුල පමණක් දුම්පානය හා මත්පැන් පානය හේතුවෙන් මියගොස් ඇති සංඛ්‍යාව ලක්‍ෂ 75කට ආසන්නවේ .
