ශ්‍රී ලංකා කණ්ඩායම තියුණු තරගයක්දී පරාජය කරමින් මහනුවර පල්ලෙකැලේ අද (04) පැවැති විස්සයි20 තරගයෙන් ජය ලැබීමට බටහිර ඉන්දයීය කොදෙව් දූපත් කණ්ඩායම සමත්විය.
පළමුව පන්දුවට පහර දුන් බටහිර ඉන්දීය කොදෙව් කණ්ඩායම නියමිත පන්දුවාර 20 තුළදී කඩුලු 4 දැවී ලකුණු 196 ක් ලබා ගත්හ.
පන්දු 14 කදී ලකුණු 35 ක් ලබාගනිමින් ඇදහිය නොහැකි ප්‍රහාරයක යෙදුණු ඔන්ඩ්‍රි රසල් (35) සහ ආරම්භක පිතිකරු ලෙන්ඩ්ල් සිමන්ස් (නොදැවී 67) ලබාගත්හ.
රසල් දැවී ගිය පසුව පැමිණි කිරන් පොලාර්ඩ් තමන්ගේ 500 වැනි විස්සයි-20 තරගය පන්දු 15 කින් ලකුණු 34 ලබා ගනිමින් සැමරුවේය.
ඒ සමගම සියලුම ආකාරයේ විස්සයි-20 තරග වලදී කිරන් පොලාර්ඩ් ලකුණු 10,000 සීමාව පසුකර ගියේ ඉසුරු උදාන හමුවේ ගැසූ දැවැන්ත හයේ පහරකිනි.
පිළිතුරු ඉනිම ක්‍රීඩා කළ ශ්‍රි ලංකා කණ්ඩායමට ලකුණු 171 (19.1) සීමා කිරීමට කොදෙව් පන්දු යවන්නෝ සමත් වූහ. මුල පෙළ අසාර්ථක වු ශ්‍රි ලංකා කණ්ඩායම ජයග්‍රාහී මාවතකට ගෙනඒමට කුසල් ජනිත් පෙරේරා (66) සහ වනිදු හසරංග (44) සමත්වුවද ඔවුන්ගේ දැවීයාමෙන් පසු නැවත හිස එසවීමට කොදෙව්වන් ඉඩ ලබා දුන්නේ නැත.
