සියලු ණය හිමියන්ට සමානව සැලකීමක් සහිත පොදු යාන්ත්‍රණයක් අපේක්ෂා කරන බව ජාත්‍යන්තර මුල්‍ය අරමුදල පවසනවා.
එහි කළමනාකරණ අධ්‍යක්ෂිකා ක්‍රිස්ටලීනා ජෝර්ජියේවා පවසන්නේ එවැනි ණය ලාබදුන් පුද්ගලයින්ගේ හෝ රටවල සම්බන්ධීකරණයක් ශ්‍රී ලංකාව වැනි මධ්‍යම අදායම් බලන රටවල ව්‍යාප්ත කිරීම පිළිබඳ ජාත්‍යන්තර මුල්‍ය අරමුදල සලකා බලමින් සිටින බවයි.
පැහැදිලි මාර්ගෝපදේශ සහ රාජ්‍ය මෙන්ම පෞද්ගලික සියලු ණය හිමියන් සඳහා සමානාත්මතාවයෙන් සැලකීම වැදගත් වනවා. එමෙන්ම වඩාත් ඵළදායී ණය නිරාකරණය කිරීමේ යාන්ත්‍රණයක් සඳහා ජාත්‍යන්තර මූල්‍ය අරමුදල බලපෑම් කරන බවයි එහි කළමනාකරණ අධ්‍යක්ෂිකා ක්‍රිස්ටලීනා ජෝර්ජියේවා පවසන්නේ.
ඒ, අමෙරිකාවේ වොෂින්ටන්හිදී පැවැත්වෙන ජාත්‍යන්තර මුල්‍ය අරමුදලේ හා ලෝක බැංකුවේ වාර්ෂික සැසියට සමගාමීව අද පැවති මාධ්‍ය හමුවකට එක්වෙමින්.
