අමාත්‍ය සජිත් ප්‍රේමදාසට එක්සත් ජාතික පක්‍ෂ ජනාධිපති අපේක්ෂකත්වය ලබා දෙන ලෙස බල කරමින් පවත්වන ජන රැළි මාලාවේ තවත් රැළියක් අද (05) පැවැත්වෙනවා. ඒ කුරුණෑගල සත්‍යවාදී පිටියේදීයි. පස්වරු 2.30 ට පමණ රැළිය ආරම්භ කිරීමට නියමිතයි.
මේ සම්බන්ධයෙන් අප කල විමසීමකදී අදහස් දැක්වූ රැස්වීම් සංවිධායකයෙක් ප්‍රකාශ කර සිටියේ මෙම රැළිය කුරුණෑගල ඉතිහාසයේ වැඩිම ජන සංඛ්‍යාවක් සහභාගී වන රැළිය බවට පත්වනු ඇති බවයි. ඊට එක්වීම සඳහා ජනතාව තුල දැඩි උනන්දුවකින් සහ බලාපොරොත්තුවකින් පසුවන බවයි. එමෙන්ම අද රැළිය සඳහා එක්සත් ජාතික පක්ෂයේ නියෝජ්‍ය නායක සජිත් ප්‍රේමදාස ඇතුළු පක්ෂයේ මැති ඇමතිවරුන් රැසක් සහභාගිවීමට නියමිත බව ඔහු ප්‍රකාශ කර සිටියා.
මේ අතර අගමැතිවරයාගේ ප්‍රධානත්වයෙන් අද පස්වරුවේ එජාප ජේෂ්ඨ නායකයන්ගේ රැස්වීමක් පැවැත්වීමට නියමිතයි.
