කොරෝනා ව්‍යාප්තිය හේතුවෙන් මේ වනවිට ඉන්දියාව මුහුණදෙන අර්බුදකාරී තත්වයෙන් ගොඩඒමට ඉන්දීය අගමැතිවරයා ප්‍රමුඛ රජයට හා ජනතාවට හැකියාව ඇති බව තමා විශ්වාසකරන්නේ යැයි ජනාධිපති ගෝඨාභය රාජපක්ෂ මහතා අවධාරණය කර සිටී
ඉන්දීය අගමැති නරේන්ද්‍ර මෝදී මහතා වෙත විශේෂ ලිපියක් යොමුකරමින් රාජපක්ෂ මහතා මේ බව සඳහන් කර ඇත
ඉන්දියාව මුහුණ දී සිටින කොවිඩ් වසංගත තත්ත්වය සම්බන්ධයෙන් තමා දැඩි සංවේගයට පත්ව සිටින බවද ගෝඨාභය රාජපක්ෂ මහතා මෙම ලිපියේ සඳහන් කර ඇත
කෙසේ වෙතත් මනා කැපවීමක් සහිත විද්වතුන් සහ වෘත්තීයවේදීන්ගේ සහයෝගයෙන් අග්‍රාමාත්‍ය නරේන්ද්‍ර මෝදි අගමැතිවරයාගේ නායකත්වය යටතේ ඉන්දියාව මෙම අර්බුදයට සාර්ථකව මුහුණ දෙනු ඇතැයි විශ්වාස කරන බවද .මෙම ලිපිය මගින් රාජපක්ෂ මහතා අවධාරණය කර ඇත
ශ්‍රී ලංකාවේ මහා සංඝරත්නය ඉන්දීය ජනතාව වෙනුවෙන් රතන සූත්‍රය දේශනා කිරීමට සූදානම් වන බව ගෝඨාභය රාජපක්ෂ ජනපතිවරයා ඉන්දීය අග්‍රාමාත්‍ය මෝදි මහතාට මෙහිදී දන්වාඇත .
මූලික සැලැස්මට පෙර ශ්‍රී ලංකාවේ එන්නත්කරණ වැඩසටහන ආරම්භ කිරීමට ශ්‍රී ලංකා රජයට අවස්ථාව උදා කරමින් ඉන්දියාව විසින් පරිත්‍යාග කරන ලද ඉන්දියාවේ නිෂ්පාදිත කොවිඩ්-19 එන්නත් මාත්‍රා 500,000 සම්බන්ධයෙන් ශ්‍රී ලංකා ජනතාව වෙනුවෙන් ඉන්දියාවට හෘදයාංගම කෘතවේදීත්වය පළ කර සිටින බවද රාජපක්ෂ මහතා මෙහිදී සඳහන් කර ඇත
