රට තුළ කොරෝනා වසංගත තත්ත්වය ව්‍යාප්තිය හමුවේ රට වසා දැමීමට මෙතෙක් කිසිදු තීරණයක් ගෙන නොමැති නමුත් රට තවදුරටත් වසා නොතැබීමට නම් ජනතාව වගකීමෙන් කටයුතු කළ යුතු බව යුද හමුදාපති ජනරාල් ශවේන්ද්‍ර සිල්වා මහතා ප්‍රකාශ කර සිටී.
ඒ අනුව මෙතෙක් කොරෝනා එන්නත ලබා ගෙන නොමැති කොළඹ දිස්ත්‍රික්කයේ වයස අවුරුදු 30ට වැඩි සියලු දෙන එන්නත ලබාගැනීමට පියවර ගතයුතු බවද ඒ මහතා පැවසීය .
වයස අවුරුදු 30 ට වැඩි ඕනෑම පුද්ගලයෙකුට කොළඹ විහාර මහා දේවී උද්‍යානයේ ස්ථාපිත මධ්‍යස්ථානයෙන් එන්නත ලබා ගත හැකි බවද යුද හමුදාපති ජෙනරාල් ශවේන්ද්‍ර සිල්වා වැඩිදුරටත් සඳහන් කළේය .
එසේ අවස්ථාව තිබියදීත් එන්නත ලබා නොගෙන සිටින පුද්ගලයින් හදුනා ගැනීමට අද දිනයේද විමර්ශන ආරම්භ කරන බවද පොලිසිය සඳහන් කර ඇත . එලෙස හදුනා ගැණුනු පුද්ගලයින් කොළඹ සුගතදාස ගෘහස්ථ ක්‍රිඩංගණයට රැගෙන විත් එන්නත ලබා දීමට කටයුතු කරන බවද පොලිසිය වැඩිදුරටත් සඳහන් කර ඇත .
