‘ජිහාඩ් මතවාද මුලිනුපුටා දැමිය යුතුයි’ – ඉන්දු මහකොමසාරිස් කියයි

Picture of අසංක

අසංක

කලාපීය ආරක්ෂාවට සහ ලෝක සාමයට තර්ජනයක් වන එදිරිවාදී ජිහාඞ් මතවාදය හුදෙකලා කොට එය මුලිනුපුටා දැමිය යුතු බව ඉන්දියානු මහ කොමසාරිස් තරංජිත් සිං සන්ධු මහතා අවධාරණය කර සිටී.

අග‍්‍රාමාත්‍ය නරේන්ද්‍ර මෝදි මහතා මේ සම්බන්ධයෙන් ශ‍්‍රී ලංකාවට අවශ්‍ය ඕනෑම සහයෝගයක් ලබා දීමට කැමැත්ත පළ කර ඇති බවද කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ පැවති උත්සවයකදී මහ කොමසාරිස්වරයා සඳහන් කළේය .

ඉන්දීය මහකොමසාරිස්වරයා මෙහිදී මෙසේද පැවසීය ,

කලාපය හා ලෝකය කැලඹීමට ලක්වුවහොත්, තනි තනි රටවලට සාමකාමී, සුරක්ෂිත හා සමෘද්ධිමත් විය නොහැක. අද පවතින්නේ අතිශයින්ම එකිනෙකා හා සම්බන්ධ වූ ලෝකයකි. අන් අයගේ කරදර සහ ගැටළු ඔහුට හෝ ඇයට පමණක් තිබෙන ප්‍රශ්නයක් ලෙස සැලකිය නොහැක. එය ඔවුන්ට තරමටම අපටද දැනෙන ප්‍රශ්නයකි. ලෝක සාමය හා සමස්ත ස්ථාවරත්වය පවත්වාගෙන යාම සඳහා අපගේ පෞද්ගලික සහ සාමූහික උනන්දුව අවශ්‍ය වේ.

කොළඹ බණ්ඩාරනායක ජාත්‍යන්තර රාජ්‍යතාන්ත්‍රික පුහුණු ආයතනයෙහි (BIDTI) රාජ්‍යතාන්ත්‍රිකභාවය හා ලෝක සබඳතා පිළිබඳ 21 වන ඩිප්ලෝමා පාඨමාලාව සමාරම්භය වෙනුවෙන් මෙම උත්සවය සංවිධානය කර තිබිණ