වසර පුරා ක්‍රියාත්මක නිර්මාංශ සදුදා (Meatless Monday) ශ්‍රි ලංකා ව්‍යාපෘතියේ තවත් එක් වැඩසටහනක් ලෙස වසරේ නිර්මාංශ (Vegan) කෑම වට්ටෝරුවේ ජයග්‍රාහකයා සොයා ත්‍යාග පිරිනැමීම සිදුවෙයි.

මෙම තරගාවලියේ ජයග්‍රාහකයන්ට ගල්කිස්ස මහ හෝටලයෙන් නිර්මාංශ බුෆේ ආහාරවේලක් සදහා ටිකට් පත් දෙක බැගින් හිමිවේ. තරගාවලියට ඉදිරිපත්වන සියලු දෙනා ලබන 26 වැනිදාට පෙර අදාල කෑම වට්ටෝරු යොමු කළ යුතු බවMeatless Monday ශ්‍රි ලංකා කණ්ඩායම පවසති.

Meatless Monday Sri Lanka නිකුත් කළ නිවේදනයට අනුව තරගාවලිය පිළිබද තොරතුරු මෙසේය.

උපදෙස් –

1. ඔබගේ ප්‍රියතම නිර්මාංශ (Vegan) කෑම වට්ටෝරුව පහත කාණ්ඩ යටතේ අපවෙත එවන්න.

· උදෑසන ආහාරය

· දවල් ආහාරය

· අතුරුපස

2. එක් අයදුම්කරුවෙකුට ඉහත කාණ්ඩ 03 යටතේම කෑම වට්ටෝරු එවිය හැකිය. නමුත් ජයග්‍රහණය ලබා දෙන්නෙ එක් කාණ්ඩයක් යටතේ පමණි.

3. සියලුම කෑම වට්ටෝරු පැහැදිලි ප්‍රමාණයන් හා උපදෙස් සහිතව ඉංග්‍රිසි, සිංහල හෝ දෙමළ මාධ්‍යයෙන් එවිය හැකි අතර ආහාරය පිසීමෙන් පසු දිස්වෙන ආකාරය සදහන් ඡායාරූපයක්ද ඒ සමග එවිය යුතුය.

· කෑම වට්ටෝරුවේ නම

· අවශ්‍යය අමුද්‍රව්‍ය

· අමුද්‍රව්‍ය යොදන ප්‍රමාණයන්

· පැහැදිලි උපදෙස්

· අහාරය සැකසු පසු දිස්වෙන ඡායාරූපයක්

· අයදුම්කරුගේ නම

4. ඔබ විශේෂ අමුද්‍රව්‍ය යොදා ගන්නේ නම් කරුණාකර එම තොරතුරු අදාල වට්ටෝරුව සමග දක්වන්න. උදා ලබාගත් අන්තර්ජාල වෙළදසැල හෝ වෙළද සැලේ නම සමග ලින්කුවකින් පෙන්විය හැකිය.

5. නිර්මාංශ කෑම වට්ටෝරු 2019 ජුලි 26 වැනිදාට පෙර අපගේ පහත ලිපිනයට ලැබෙන්න සලස්වන්න.[email protected]

6. මෙසේ යොමුකරන සියලුම නිර්මාංශ කෑම වට්ටෝරු එකින් එක අධ්‍යයනය කරමින් ඒවා අපගේ Meatless Monday Sri Lanka මුහුණුපොත(Facebook) පිටුවට යොමු කරන අතර 2019 අගෝස්තු 12 දක්වා සිය මිතුරු මිතුරියන් මාර්ගයෙන් ඊට අදාල like, comments ලබා ගැනීමට ඔබට හැකියාව තිබේ.

7. 2019 අගෝස්තු 13 වැනිදා Meatless Monday Sri Lanka කණ්ඩායම එක් එක් කාණ්ඩයට අයත් ජයග්‍රාහකයන් තෝරාගනු ලබන්නේ ඒ ඒ කෑම වට්ටෝරුවට Meatless Monday Sri Lanka Facebook පිටුවේ ලැබී තිබෙන likes සංඛ්‍යාව අනුවය.