ජපානයේ ඉදි වූ ප්‍රථම ථෙරවාදී බෞද්ධ විහාරස්ථානය වන සවරා හී ලංකා ජී විහාරයේ 41 වන වරට පවත්වන වෙසක් පුණ්‍ය මහෝත්සවය මැයි මස 25 වෙනි දින දවස පුරා ජපානය වාසය කරන සිංහල බෞද්ධ සැදැහැවතුන් සහ අධ්‍යාපන කටයුතු සඳහා ජපානයට පැමිණ සිටින තරුණ තරුණියන් විශාල පිරිසකගේ සහභාගිත්වයෙන් පැවැත් වුණි.
ථෙරවාදී සම්ප්‍රදායානුකූලව ජපානයේ 41 වන වරටත් පැවැත් වූ වෙසක් පුණ්‍ය මහෝත්සවය ජපානයේ ප්‍රධාන සංඝනායක,ශ්‍රී ලංකා මහ බෝධි සංගමයේ සභාපති, ලංකාජී විහාරයේ නිර්මාතෘ අතිපූජ්‍ය බානගල උපතිස්ස නා හිමියන්ගේ සහ ජපානයේ ශ්‍රී ලංකා තානාපති ලෙස අභිනවයෙන් පත් වූ මහාචාර්ය පිවිතුරු ජනක් කුමාරසිංහ මහතා සහ පාර්ලිමේන්තු මන්ත්‍රී ශානික්‍යන් රාසමානික්‍යයන් මහතා යන අයගේ ප්‍රධානත්වයෙන් ශ්‍රී ලාංකික සහ ජපන් බෞද්ධ බැතිමතුන්ගේ සහභාගිත්වයෙන් පැවැත්වුණි.
බානගල උපතිස්ස නා හිමියන්ගේ අනුශාසනා පරිදි සවරා ලංකා ජී විහාරවාසි කොස්වත්තේ පාලිත හිමියන්ගේ සංවිධායකත්වයෙන් පැවැති මෙම වෙසක් පුණ්‍ය මහෝත්සවයේ දී උදෑසන කිරි ආහාර සහිත සම්බුද්ධ පූජාව සහ දහවල් සම්බුද්ධ පූජාව සහ සවස චතුමධුර සහිත අටවිසි ගිලන්පස බුද්ධ පූජාව ලංකාජී විහාරවාසී ගලබඩ අස්සජි ස්වාමීන් වහන්සේ සිදු කළහ. එම අවස්ථාවට විහාරවාසී හේනේගෙදර ශීල භද්‍ර හිමිපාණෝ ද මොට්ටුනේ අ අංගිරස හිමියෝ ද එක් වූහ.පුණ්‍ය උත්සවය මෙහෙයවීම ලංකාජී විහාරවාසී යටවර පඤ්ඤාරාම හිමියෝ සිදු කළහ. විහාරස්ථ දායක සභාව මෙදින විහාරවාසී සහ වැඩමවා වදාළ මහ සංඝරත්නය උදෙසා උදෑසන සහ දහවල් සපිරිකරගත සංඝ දක්ෂිණාවන් පැවැත්වීම සිදුකෙරින. ඊට අමතරව ජපානයේ පදිංචි ශ්‍රී ලාංකික පවුල් සහ ආයතන සංවිධානය කර තිබූ ආහාරපාන,තේ පැන් සහ විවිධ දන්සැල් සහ විහාරස්ථ දහම් පාසලේ සිසු දරු දැරියන්ගේ චිත්‍ර ප්‍රදර්ශනය ද පහන් කූඩු සැරසිලි ද විහාර පරිශ්‍රයේ දවස පුරා පැවැත්වුණි.
1976 ජපානයට වැඩම කළ බානගල උපතිස්ස හිමියෝ නිර්මල ථේරවාදී බුදු දහම ජපානයට හඳුන්වාදීමේ අරමුණින් 1984 දී බානගල උපතිස්ස නා හිමියෝ ජපානයේ ලංකාජී විහාරය ආරම්භ කළහ.එය ජපානයේ ප්‍රථම ථෙරවාදී බෞද්ධ විහාරය විය.පසුව කතොරි ප්‍රාන්තයේ ශිබා දිස්ත්‍රික්කයේ සවරා ගම්මානයේ ලංකාජී විහාරය ස්ථාපනය කරනු ලැබූහ. ජපානයේ ඉදි වූ ප්‍රථම ථෙරවාදී සම්ප්‍රදායේ චෛත්‍යය ලංකා ජී විහාර බිමේ 2022 ඉදිකළ බවත්, 2005 දී ශ්‍රී ලංකාවෙන් වැඩම කළ ජය ශ්‍රී මහාබෝධී අංකුරය ජපානයේ දේශගුණයට අනුකූල වන පරිදි විශේෂයෙන්ම ඉදිකළ සුරක්ෂිතාගාර බෝධි ගෘහයක් තුළ එම බෝධි අංකුරය රෝපණය කර ඇතැයි ද එවැනි සුරක්ෂිත බෝධි ගෘහයක් තුළ ජපානයේ රෝපණය කළ ප්‍රථම බෝධි අංකුරය මෙය බව ද ලංකාජී විහාරවාසී කොස්වත්තේ පාලිත හිමියෝ පෙන්වා දුන්හ.
ජපානයට නිර්මල ථේරවාදී බුදු දහම හඳුන්වාදීමට හතර වතාවක්ම ජපානයට ගිය ශ්‍රීමත් අනගාරික ධර්මපාලතුමන්ට ඉටු කර ගැනීමට නොහැකි වූ ඒ මහා ප්‍රාර්ථනාව ධර්මපාල පරපුරේ අයෙකු ලෙස තමන්ට ඉටු කිරීමට හැකිවීම විශාල භාග්‍යයක් බව බානගල උපතිස්ස නා හිමියෝ පවසති.එතුමාට උපහාරයක් පිණිස ධර්මපාලතුමාගේ ප්‍රතිමාවක් ද 2022 වසරේ ලංකාජී විහාරයේ ස්ථාපිත කළ බව ද බානගල නා හිමියෝ වැඩිදුරත් පවසති.
මෙහි දී අදහස් දැක්වූ ජපානයේ ශ්‍රී ලංකා තානාපති මහාචාර්ය පිවිතුරු ජනක් කුමාරසිංහ මහතා ප්‍රකාශ කළේ වසර හතලිහකට ආසන්න කාලයක් පුරා ශ්‍රී ලංකාවෙන් ජපානයට පැමිණි තරුණ තරුණියන් විශාල පිරිසකට සිය ජීවිතය මං මුලා නොවී සාර්ථක කරගැනීමට එදා පටන්ම මග කියා දුන් බානගල නායක හාමුදුරුවෝ, මීට වසර විසි එකකට පෙර තමන් ජපානයට පැමිණි අවස්ථාවේ ද නොමසුරුව තමන්ට කියා දුන් බවත්,බානගල නායක හාමුදුරුවන් වහන්සේ ජපානය සහ ශ්‍රී ලංකාව අතර ගොඩනැගූ ශක්තිමත් සබඳතාවේ පාලම අපි නිවැරදිව පාවිච්චි කළා නම් අද අපේ රට ආර්ථික හා සංස්කෘතික වශයෙන් මීට වඩා විශාල තැනකට ඔසවා තැබීමට හැකියාව තිබූ බවත් එම නිසා ජපානය සහ ශ්‍රී ලංකාව අතර එම සබඳතාව වර්තමාන රජය යටතේ ඉහල තැනකට ගෙන උන් වහන්සේගේ අවවාද අනුශාසනා අපේක්ෂා කරන බවය.
1976 ජපානයට වැඩම කළ බානගල උපතිස්ස හිමියෝ නිර්මල ථේරවාදී බුදු දහම ජපානයට හඳුන්වාදීමේ අරමුණින් 1984 දී බානගල උපතිස්ස නා හිමියෝ ජපානයේ ලංකාජී විහාරය ආරම්භ කළහ.එය ජපානයේ ප්‍රථම ථෙරවාදී බෞද්ධ විහාරය විය.පසුව කතොරි ප්‍රාන්තයේ ශිබා දිස්ත්‍රික්කයේ සවර ගම්මානයේ ලංකාජී විහාරය ස්ථාපනය කරනු ලැබූහ.ජපානයට නිර්මල ථේරවාදී බුදු දහම හඳුන්වාදීමට හතර වතාවක්ම ජපානයට ගිය ශ්‍රීමත් අනගාරික ධර්මපාලතුමන්ට ඉටු කර ගැනීමට නොහැකි වූ ඒ මහා ප්‍රාර්ථනාව ධර්මපාල පරපුරේ අයෙකු ලෙස තමන්ට ඉටු කිරීමට හැකිවීම විශාල භාග්‍යයක් බව බානගල උපතිස්ස නා හිමියෝ පැවසූහ.
ජපානයේ ඉදි වූ ප්‍රථම ථෙරවාදී සම්ප්‍රදායේ චෛත්‍යය ලංකා ජී විහාර බිමේ 2022 ඉදිකළ බවත්, 2005 දී ශ්‍රී ලංකාවෙන් වැඩම කළ ජය ශ්‍රී මහාබෝධී අංකුරය ජපානයේ දේශගුණයට අනුකූල වන පරිදි විශේෂයෙන්ම ඉදිකළ සුරක්ෂිතාගාර බෝධි ගෘහයක් තුළ එම බෝධි අංකුරය රෝපණය කර ඇතැයි ද එවැනි සුරක්ෂිත බෝධි ගෘහයක් තුළ ජපානයේ රෝපණය කළ ප්‍රථම බෝධි අංකුරය මෙය බව ද ලංකාජී විහාරවාසී කොස්වත්තේ පාලිත හිමියෝ පෙන්වා දුන්හ.
