නාත්තන්ඩිය ප්‍රදේශයේ එකම පවුලේ පස්දෙනෙකු නව කොරෝනා ආසාදනය වීම හේතුවෙන් අයි ඩී එච් රෝහලට ඇතුළත් කර තිබේ.
ඒ අය අතර මාස 4ක බිළිඳෙකු ද සිටී.
මෙම පවුලේ පළමු ආසාදිතයා හමුවන්නේ පෙරේදා දිනයේ ය.
එම පුද්ගලයා ඉකුත් එකොළොස් වැනිදා ඉන්දියාවට ගොස් දොළොස් වැනි දා නැවත පැමිණ නිරෝධායනය නොවූ අයෙකි.
ඔහුට වෛරසය වැළඳී ඇති බව තහවුරු වීමත් සමඟ ඊයේ නාත්තන්ඩියේ ඔහු පදිංචි ප්‍රදේශයට මුද්‍රා තැබිණ.
ඔහුගේ බිරිඳට ද රෝගී තත්ත්වය පෙන්නුම් කරන්නට වූ බැවින් ඇයද වෛද්‍ය පරීක්ෂණයට ලක් කෙරිණි.
ඔහුගේ අනාවරණය වූයේ ඇයට වූ විට ඇයටද කොරෝනා වෛරසය වැළදී ඇති බවයි.
ඒ අනුව අද දිනයේ එම පවුලේ පිරිමි දරුවන් දෙදෙනාත් දියණියත්, දියණියගේ මාස 4ක් වයසැති බිලිදාත් සැමියාත් වෛද්‍ය පරීක්ෂණයට යොමු කර තිබේ.
බිළිඳාට සහ පිරිමි දරුවන් දෙදෙනාට කොරෝනා වැළඳී ඇති බවට තහවුරු වී ඇත්තේ එහිදීය.
බිළිඳාට වෛරසය ආසාදනය වීම හේතුවෙන් මව ද රෝහල්ගත කර ඇත.
ඒ අනුව ඔවුන් අයිඩීඑච් රෝහලට ඇතුළත් කර ඇත.
