ශ්‍රී ලංකාවට අනුමත කර ඇති 48 මාසික විස්තීරණ අරමුදල් පහසුකම (EFF) යටතේ පළමු සමාලෝචනය සාර්ථකව නිම කළ බවත් ඒ සමඟ මෙරටට අමෙරිකානු ඩොලර් මිලියන 337 ක් පමණ වන දෙවැනි වාරිකය ලබාගැනීමේ ප්‍රවේශය ලබාදුන් බව ජාත්‍යන්තර මූල්‍ය අරමුදල (IMF) නිවේදනය කර තිබේ.
EFF වැඩසටහන යටතේ එක් කාර්ය සාධන නිර්ණායකයක් හැර අනෙකුත් සියලුම දර්ශක ඉලක්ක ජුනි මස අවසානයේ සපුරා ගන්නා ලද බවත් ශ්‍රී ලංකාවේ කාර්ය සාධනය සතුටුදායක බව ජාත්‍යන්තර මූල්‍ය අරමුදල නිවේදනය කළේය.
2023 ඔක්තෝබර් අවසානය වන විට බොහෝ කරුණු ප්‍රමාදයක් ඇතිව හෝ සපුරා හෝ ක්‍රියාත්මක කර ඇති බව ජාත්‍යන්තර මූල්‍ය අරමුදල කියයි.
ණය තිරසාරභාවය ප්‍රතිෂ්ඨාපනය කිරීම, ආදායම් ඉහළ නැංවීම, සංචිත නැවත ගොඩනැංවීම, උද්ධමනය අඩු කිරීම සහ මූල්‍ය ස්ථාවරත්වය ආරක්ෂා කිරීම සඳහා බලධාරීන් ප්‍රශංසනීය ප්‍රගතියක් ලබා ඇති බව IMF පෙන්වා දෙයි.
එමෙන්ම රාජ්‍ය පාලනය වැඩිදියුණු කිරීම සහ දුප්පතුන් සහ අවදානමට ලක්විය හැකි අය ආරක්ෂා කිරීම සඳහා දැඩි කැපවීම ඉතා වැදගත් බව සමාලෝචනයේ දැක්වේ.
ජාත්‍යන්තර මූල්‍ය අරමුදලේ අනුග්‍රහය ලබන වැඩපිළිවෙළේ කොටසක් ලෙස ශ්‍රී ලංකාව ගැඹුරු ආර්ථික හා ණය අර්බුදයකින් මිදීම සඳහා සැලකිය යුතු ප්‍රතිසංස්කරණයන් සිදු කර ඇති බව IMF කීය.
ශීඝ්‍ර උද්ධමනය සහ සැලකිය යුතු රාජ්‍ය මූල්‍ය ගැලපීමකින් සහය දක්වන ආර්ථිකය ස්ථායීකරණයේ තාවකාලික සලකුනු පෙන්වයි. බදු ආදායම වැඩි වී ඇති නමුත් මුලින් ප්‍රක්ෂේපණය කළ තරම් නොවන බවත් ණය ප්‍රතිව්‍යුහගත කිරීමේ මන්දගාමී ප්‍රගතිය ඇතුළුව සංචිත සමුච්චය වීම මන්දගාමී වී ඇති බවත් IMF අදහසයි.
පළමු සමාලෝචනය සම්පූර්ණ කිරීම මගින් US$ මිලියන 337ක් පමණ වන දෙවැනි වාරිකය ක්ෂණිකව ලබා දීමට ඉඩ සලසයි. ඒ අනුව IMF මෙතෙක් ලබා දී ඇති මුළු මූල්‍ය ආධාරය SDR මිලියන 508 (US$ මිලියන 670ක් පමණ) දක්වා ඉහළ නැංවේ.
ජාත්‍යන්තර මුල්‍ය අරමුදලේ පිටු 149කින් යුත් පළමු සමාලෝචන වාර්තාව පහතින් දක්වා ඇත.
