ඉන්දියාවේ ප්‍රහාර සැලසුම් කල බවට චෝදනා එල්ල වී ඇති මෙරට පාස්කු ඉරිදා ප්‍රහාරය සිදුකළ සහරාන් හෂීම්ගේ අනුගාමිකයින් බව කියන සැකකරුවන් දෙදෙනෙකුට ඉන්දීය අධිකරණයක් හමුවේ චෝදනා ගොනු කෙරේ.
මොවුන්ගෙන් එක් අයෙකු අයි.එස් සංවිධානයේ කොයම්බතූර් නායකයා ලෙස සැලකෙන මොහොමඩ් අසුරඩීන් වන අතර ෂෙයික් හදෙයිතුල්ලා වන අනෙක් සැකකරු මොහුගේ සහයකයෙක් බව එරට වාර්තා පවසයි.
අත්අඩංගුවට ගත් එක් අයෙකු තමිල්නාඩුවේ විවිධ ස්ථානවල රහසිගත ලෙස දේශන පවත්වමින් ඉන්දියාව තුළ අයි.එස් සංවිධානයේ මතවාද පැතිරවීමට මෙන්ම එම සංවිධානයට විවිධ පුද්ගලයින් බඳවා ගැනීමටද කටයුතු කර ඇත.
පාස්කු ප්‍රහාරයෙන් අනතුරුව ඉන්දියාව විශේෂ සෝදිසි මෙහෙයුම් මාලාවක් දියත් කළේය.
එහිදී මෙම සැකකරුවන් දෙදෙනා ද අත්අඩංගුවට ගෙන ඇති තිබුණි.
පාස්කු ඉරුදින ප්‍රහාරයෙන් අනතුරුව ඉන්දීය ජාතික බුද්ධි විමර්ශන ඒකකය මගින් සැකකරුවන් අත්අඩංගුවට ගැනීමට හැකිව තිබේ.
ඒ අනුව ඉන්දීය පොලීසිය විසින් සාපරාධී කුමන්ත්‍රණ කිරීම හා ත්‍රස්ත චෝදනා යටතේ මෙම සැකකරුවන්ට විරුද්ධව චෝදනා ගොනු කිරීමට පියවර ගෙන ඇත.
