කොරෝනා ආසාදිතයන් හඳුනා ගැනීම සදහා ,දිනකට සිදු කරන ලද 25,000ක් පමණ වූ PCR පරීක්ෂණ මේ වන විට දිනකට 15,000 දක්වා අඩු කර ඇතැයි මහජන සෞඛ්‍ය පරීක්ෂකවරුන්ගේ සංගමය සඳහන් කර සිටී
එහි සභාපති උපුල් රෝහණ මහතා සඳහන් කරන්නේ මේ වන විට සමාජයේ ගැවසෙන ආසාදියන් සොයා සිදු කරන අහඹු PCR පරීක්ෂණ ද මුළුමනින්ම නවතා දමා ඇති බවය.
කෙසේ වෙතත් මේ පිළිබඳව අදහස් දක්වමින් යුධ හමුදාපති ශවේන්ද්‍ර සිල්වා මහතා පැවසුවේ පවුලක එක් කොරෝනා ආසාදිතයෙන් හමු වූ පසු මුළු පවුලම පාහේ කොරෝනා ආසාදිතයන් වන බැවින් Exit PCR පරීක්ෂණ නවතා දමා ඇති බවකි හමුදාපති ශවේන්ද්‍ර සිල්වා මහතා සඳහන් කරයි.
මෙහිදී වැඩිදුරටත් අදහස් දැක්වූ ඒ මහතා මෙසේද පැවසීය
” වසංගත රෝග විශේෂඥවරුන් තීරණය කරනු ලබන ඉලක්ක අනුවයි පී සී ආර් පර්යේෂණ කෙරෙන්නේ . . පසුගිය කාලෙදි Exit PCR කියලා එකක් කළා. ඒ අනුව යම්කිසි පුද්ගලයෙක් ආසාදිතයෙක් වුවහොත් ඔහුගේ ආශ්‍රිතයින් ඉන්න මුළු නිවසෙම අය නිරෝධායනය කරලා දින 14ක් ඇතුළත ඔවුන්ව නැවත පරීක්ෂණයකට භාජනය කරනවා. , අද මේ තියෙන වසංගත ප්‍රභේදය අනුව ඔක්කොම වගේ බහුතරයක් පොසිටිව් වෙච්ච තත්වයක් තිබුණා.ඒ හින්දා ඉදිරි කාලයෙදි අලුතින් ආසාදිතයින් සොයාගන්න ක්‍රමවේදයක් ඇතිකරන්න කියලා උපදෙස් ලබාදීලා තියෙනවා මේ වනවිටත්. ඒ අනුව පී සී ආර් ගණනේ යම්කිසි අඩුවක් තිබෙන්න පුළුවන්”.
