කොළඹ 7, විජේරාම මාවතේ පිහිටි මහින්ද රාජපක්ෂ මහතාගේ නිල නිවස ඉදිරිපිට මාර්ගය විවෘත කිරීමට ශ්‍රී ලංකා ගුවන් හමුදාවට උපදෙස් දීමට ජනාධිපතිවරයා පියවර ගත යුතු බව අමාත්‍ය හර්ෂ ද සිල්වා මහතා අවධාරණය කරයි.
ඔහු මේ බව පවසන්නේ ප්‍රභූ වාහන ගමන් කිරීමේදී ජනතාවට අවහිර වන ලෙස මාර්ග වසා නොතැබීමට ජනාධිපතිවරයා අදාළ අංශ වෙත උපදෙස් දී ඇති පසුබිමකයි.
හර්ෂ ද සිල්වා මහතා පෙන්වාදෙන්නේ මහින්ද රාජපක්ෂ මහතාගේ නිවස ඉදිරිපිටින් මංතීරු 4ක් දැනට වසා ඇති බවයි.
ප්‍රභූ වාහන ගමන් කිරීමේ දී මාර්ගය වසා නොතැබීමට ජනාධිපතිවරයා උපදෙස් දුන්නා සේම විජේරාම මාවත ද විවෘත කිරීමට හෙතෙම වහා පියවර ගත යුතු බව හෙතෙම අවධාරණය කර සිටියි.
