සුරා සල් නැවත විවෘත කිරීමට රජය ගත් තීරණය පිටුපස මත්පැන් ව්‍යාපාරිකයින් හා ඊට සම්භන්ධ පිරිස් සිටින බවට සැකයක් මතුව ඇතැයි ශ්‍රී ජයවර්ධනපුර විශ්වවිද්‍යාලයේ හිටපු කුලපති හා ශ්‍රී ලංකා වෛද්‍ය සංගමයේ හිටපු සභාපති විශේෂඥ වෛද්‍ය මහාචාර්ය නාරද වර්ණසූරිය මහතා ප්‍රකාශ කර සිටී.
කොරෝනා වෛරස ව්‍යාප්තිය පාලනය කිරීම සඳහා ලෝකයටම ආදර්ශයක් දෙමින් ඉතාමත් සාර්ථක වැඩපිළිවෙලක් දියත්කල මෙරට රජය , මෙම සුරා සල් විවෘත කිරීමේ තීරණය හරහා ඊට කළු පැල්ලමක් එක්කරගෙන ඇති බවද ඒ මහතා අවධාරණය කර සිටී.
දුම්කොළ කර්මාන්ත අධ්‍යන කේන්ද්‍රය විසින් සංවිධානය කරන ලද “COVID-19 සහ දුම්කොළ, මද්‍යසාර කර්මාන්තය ” සජීවී ප්‍රශ්නෝත්තර වෙබ් සමුළුවට එක්වෙමින් ඒ මහතා මේ බව පැවසීය .
මෙතෙක් කොරෝනා පාලනය සඳහා මෙරට දියත් කල එම විශිෂ්ඨ ක්‍රියාවලිය , සුරා සල් විවෘත කිරීමේ තීරණය හරහා කඩාකප්පල් වීමේ බරපතල අවදානමක්ද ඇති බව ද ඒ මහතා මෙහිදී පැවසීය .
කොරෝනා පාලන නීති ලිහිල් කිරීමේදී ක්‍රියාවලියේ අවසන් අදියරේදී ක්‍රියාත්මක කල යුතු පියවරක් මෙසේ මුලින්ම ක්‍රියාවට නැංවීම ගැන විමතියට පත්වන බවද මහාචාර්යවරයා පැවසීය .
ඒ මහතාගේ සම්පූර්ණ ප්‍රකාශය පහත දැක්වේ .
https://www.facebook.com/156540208217758/posts/753513468520426/
