අග‍්‍රාමාත්‍ය මහින්ද රාජපක්ෂ මහතා අද (29) පෙරවරුවේ රුවන්වැලි මහා සෑය සහ ජය ශී‍්‍ර මහා බෝධීන් වහන්සේ වැද ආශිර්වාද ගත්තේය. රුවන්වැලි මහ සෑ චෛත්‍යාරාමාධිකාරී, නුවර කළාවියේ ප්රධාන සංඝනායක පල්ලේගම හේමරතන නාහිමි බැහැදැක ආශිර්වාද ලබා ගැනීමෙන් අනතුරුව අග‍්‍රාමාත්‍යවරයා රුවන්වැලි සෑය වැද පුදා ගත්තේය.
පසුව අටමස්ථානාධිපති, උතුරු මැද දෙපළාතේ ප්රධාන සංඝනායක පල්ලේගම සිරිනිවාස නාහිමි බැහැදැක ආශිර්වාද ලබා ගත්තේය. අනතුරුව අග‍්‍රාමාත්‍යවරයා ජය ශී‍්‍ර මහා බෝධීන් වහන්සේ වැදපුදා ගත්තේය.
මේ අවස්ථාවට හිටපු පාර්ලිමේන්තු මන්තී‍්‍ර ශෙහාන් සේමසිංහ මහතා, පරිසර හා වනජිවී සම්පත්, ඉඩම් හා ඉඩම් සංවර්ධන අමාත්‍ය එස්. එම් චන්ද්‍රසේන මහතා, හිටපු උතුරු මැද පළාත් මහ ඇමැති එස්. එම්. රංජිත් මහතා, හිටපු උතුරු මැද පළාත් අමාත්‍ය එච්. බී. සේමසිංහ මහතා ඇතුළු ප‍්‍රාදේශීය දේශපාලඥයින් මෙම අවස්ථාවට එක්වූහ.
