දම්පත් රණසිංහ
අන්තර්ජාලය ඔස්සේ බාලවයස්කාර දැරියක ලිිංගික සේවය සදහා අලෙවි කිරීම සම්බන්ධයෙන් විමර්ශන පවත්වන පොලිස් ළමා හා කාන්තා අපයෝජන වැළැක්වීමේ කාර්යාංශය විසින් මිහින්තලේ ප්‍රාදේශීය සභාවේ උප සභාපතිවරයා සහ ව්‍යපාරිකයින් දෙදෙනෙක්ද අත්අඩංගුවට ගෙන තිබේ.
පහලොස් හැවිරිදි මෙම දැරිය අන්තර්ජාලය ඔස්සේ මිලදී ගෙන ලිංගික අපචාරයට ලක්කිරීම සම්බන්දයෙන් ඔහු ඊයේ (30) අත්අඩංගුවට ගෙන ඇත.
පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති නීතීඥ අජිත් රෝහණ මහතා පැවසුවේ මෙම සිද්ධියට අදාළව තවත් තිදෙනෙක් අත්අඩංගුවට ගත් බවය.
ඒ එක් ව්‍යාපාරිකයෙක් බලංගොඩ පදිංචිකරුවෙක් වන මැණික් ව්‍යාපාරිකයෙකි. අනෙත් ව්‍යපාරිකයා හොරණ පදිංචි ප්‍රසිද්ධ වෙළද නාමයක් ඇති ආහාර අලෙවි ව්‍යාපාරයක හිමිකරුවෙක් බව ළමා හා කාන්තා අපයෝජන වැළැක්වීමේ කාර්යාංශයේ තොරතුරු සදහන් කළේය.
මෙම තිදෙනා අත්අඩංගුවට ගැනීමත් සමග මෙම විමර්ශනයට අදාලව 21 දෙනෙක් අත්අඩංගුවට ගෙන ඇතැයි අජිත් රෝහණ මහතා පවසයි. ඒ අතර දැරිවිය මේ ආකාරයට අළෙවි කිරීමට මුල් වූ ඇගේ මව සහ මවගේ අනියම් පුරුෂයාද සිටිති.
මෙසේ දැරිවියව කාලයක් තිස්සේ අන්තර්ජාලය ඔස්සේ අළෙවිකර ඇති අතර ඇගේ සේවය ලබාගත් තවත් පිරිසක් අත්අඩංගුවට ගැනීමට නියමිතව ඇතැයි ළමා හා කාන්තා අපයෝජන වැළැක්වීමේ කාර්යාංශය සදහන් කරයි.
