ගම්පහ බණ්ඩාරවත්ත මහ විද්‍යාලයේ දරුවකු විසින් ගෙන ආ ඇට්ලස් පෑනක් දෙකට කඩා විසිකොට එම නිෂ්පාදන නොගෙන්නැයි තරවටු කළ බව කියන ගුරුවරයකු පිළිබඳ අමාත්‍ය හර්ෂ ද සිල්වා මහතා අධ්‍යාපන අමාත්‍යාංශයට පැමිණිලි කර තිබේ.
අන්තවාදී මතවාදයක සිටින බව කියමින් එම ගුරුවරයාට එරෙහිව පියවර ගැනීම සඳහා අමාත්‍යවරයා විසින් අධ්‍යාපන අමාත්‍ය අකිල විරාජ් කාරියවසම් මහතාට හා අධ්‍යාපන අමාත්‍යාංශ ලේකම්වරයාට පැමිණිලි කර ඇත.
මුස්ලිම් ජාතීන්ගේ නිෂ්පාදන නොගෙනෙන්නැයි මෙම ගුරුවරයා විසින් දරුවන්ට පවසා ඇතැයි ද අමාත්‍යවරයා සඳහන් කළේය.
එවැනි සිද්ධීන් කිහිපයක් මීට පෙර ද වාර්තා වී තිබූ අතර ඒ සම්බන්ධයෙන් අදාළ නිෂ්පාදන සමාගම විසින් අපරාධ පරීක්ෂණ දෙපාර්තමේන්තුව වෙත පැමිණිලි කර තිබුණේ තම ආයතනයට එරෙහිව සමාජ ජාල තුළ අන්තවාදී අදහස් වපුරන පුද්ගලයන්ට එරෙහිව පියවර ගන්නා ලෙස ඉල්ලමිනි.
