ආසියාවේ ධනවත්ම මිනිසා ලෙස නම් දැරූ අලිබබා සමූහයේ නිර්මාතෲ ජැක් මා ශ්‍රී ලංකාව ඇතුළු ආසියාවේ රටවල් 10කට මුහුණු ආවරණ ඇතුළු හදිසි අවශ්‍යතා සඳහා උපාංග තොගයක් එවීමට කටයුතු කර තිබේ.
ආසියානු රටවලට කොරෝනා වසංගතයෙන් ආරක්ෂා වීම සඳහා ආධාර ලෙස මුහුණු ආවරණ මිලියන 1.8 ක් සහ කොරොන වයිරස් පරීක්ෂණ කට්ටල 210,000 ක් ලබා දීමට ඔහු පොරොන්දු වී ඇත.
කොරෝනා ගෝලීය වසංගතයක් බවට පත්වීමට එරෙහිව ඔහුගේ පදනමේ අඛණ්ඩ උත්සාහයක නවතම පියවරයි.
ජැක් මා පදනම සහ අලිබබා පදනම එක්සත් ජනපදයට හදිසි සැපයුම් පරිත්‍යාග කරන බව නිවේදනය කර ඇත.
මීට පෙර ජපානය, ඉරානය සහ ඉතාලියේ වෛරස් මර්දන ප්‍රයත්නයන් සඳහා ආධාර කළ අලිබබා ගෲප් හෝල්ඩින් ලිමිටඩ් හි සම-නිර්මාතෘගේ කණ්ඩායම් අප්‍රිකානු රටවලට පරීක්ෂණ කට්ටල සහ මුහුණු ආවරණ දහස් ගණනක් යැවීමට ද දායක විය.
