ඉන්දියානු විදේශ ලේකම් ශ්‍රී හර්ෂ් වර්ධන් ෂ්‍රිංග්ලා මහතා විශේෂ නිල සංචාරයක් සඳහා අද ශ්‍රී ලංකාවට පැමිණීමට නියමිතය..
ඒ, විදේශ ලේකම් අද්මිරාල් මහාචාර්ය ජයනාත් කොළඹගේ සිදු කළ ආරාධනයකට අනුවයි. ඉන්දියානු විදේශ ලේකම්වරයා ඔක්තෝබර් 5 වනදා දක්වා මෙරට රැදී සිටීමට නියමිතය.
මෙම සංචාරය දෙරට අතර පවතින දීර්ඝ කාලීන බහුවිධ සබඳතා තහවුරු කර ගැනීමට සහ ද්විපාර්ශ්වික සබඳතා වැඩිදියුණු කිරීමට දායක වනු ඇති බවයි විදේශ කටයුතු අමාත්‍යංශය පැවසුවේ.
ඉන්දීය විදේශ අමාත්‍යවරයා සිය සංචාරයේදී ජනාධිපතිවරයා, අග්‍රාමාත්‍යවරයා, මුදල් අමාත්‍යවරයා සහ විදේශ අමාත්‍යවරයාද හමුවී ද්විපාර්ශ්වික සාකච්ඡා පැවැත්වීමට නියමිතයි. විදේශ කටයුතු අමාත්‍යංශය පැවසුවේ ඉන්දීය විදේශ ලේකම්වරයා ශ්‍රී ලංකාවේ රැඳී සිටින කාලය තුළ දී, මහනුවර, ත්‍රිකුණාමලයේ සහ යාපනය යන ප්‍රදේශවල ද සංචාරය කිරීමට අපේක්ෂා කරන බවයි.
ඉන්දියානු විදේශ ලේකම් ශ්‍රී හර්ෂ් වර්ධන් ෂ්‍රිංග්ලා, එම ධූරයේ වැඩ භාර ගැනීමෙන් අනතුරුව, ඔහු නිරත වන පළමු ශ්‍රී ලංකා සංචාරය මෙයයි.
